“ஓராண்டு தனிமை… தீராத ஏக்கம்”… ஜான் கென்னடி தன் மனைவிக்காக செய்த அந்த ஒரு விஷயம்… திருப்பூரில் நடந்த ஒரு சோகமான ‘ரியல் லைப்’ கிளைமாக்ஸ்…!

திருப்பூர் மாவட்டம் முத்தனம்பாளையம் பகுதியைச் சேர்ந்த 48 வயதான ஜான் கென்னடி, தன் மனைவி அலோசியகவிதா மீது அளவற்ற அன்பு வைத்திருந்தார். புற்றுநோயால் பாதிக்கப்பட்டிருந்த தனது மனைவியைக் காப்பாற்ற வேண்டும் என்ற நோக்கில், ஜான் கென்னடி பலரிடம் கடன் பெற்று, பல்வேறு மருத்துவமனைகளில் உயர்தர சிகிச்சைகளை அளித்து வந்தார். தங்களுக்கு 19 வயதில் ஒரு மகள் இருந்தபோதிலும், மனைவியின் உடல்நிலை குறித்த கவலையே அவரிடம் மேலோங்கி இருந்தது.

இருப்பினும், ஜான் கென்னடியின் தீவிர முயற்சிகளுக்கு மத்தியிலும், சிகிச்சை பலனின்றி கடந்த ஓராண்டுக்கு முன்பு அலோசியகவிதா உயிரிழந்தார். மனைவியின் மறைவு ஜான் கென்னடியை மீளாத் துயரத்தில் ஆழ்த்தியது. அவருடன் வாழ்ந்த நினைவுகளிலேயே நாட்களைக் கழித்து வந்த அவர், மனைவியைப் பிரிந்த ஏக்கத்தில் இருந்து மீள முடியாமல் தவித்து வந்துள்ளார். இதனால் அவர் மனதளவிலும் பெரும் பாதிப்புக்குள்ளானார்.

இந்நிலையில், கடந்த சில தினங்களுக்கு முன்பு ஊத்துக்குளி – விஜயமங்கலம் இடையே உள்ள ரயில்வே தண்டவாளத்தில் ஜான் கென்னடி சடலமாக மீட்கப்பட்டார். கோவையிலிருந்து சென்னை சென்ற எக்ஸ்பிரஸ் ரயிலின் முன் பாய்ந்து அவர் தனது வாழ்க்கையை முடித்துக் கொண்டது விசாரணையில் தெரியவந்தது. மனைவியின் மரணத்திற்குப் பிறகு ஏற்பட்ட மன அழுத்தம் மற்றும் தனிமையே அவரை இந்த விபரீத முடிவை எடுக்கத் தூண்டியதாகக் கூறப்படுகிறது.

இந்தச் சம்பவம் அப்பகுதியில் பெரும் சோகத்தை ஏற்படுத்தியுள்ளது. எத்தகைய இக்கட்டான சூழலிலும், மன உளைச்சலில் இருப்பவர்கள் முறையான ஆலோசனைகளையும் உதவிகளையும் பெற வேண்டுமே தவிர, தற்கொலை போன்ற கோழைத்தனமான முடிவுகளை எடுக்கக் கூடாது என்பதே இச்சம்பவம் உணர்த்தும் பாடம். அன்புக்குரியவர்களின் இழப்பு ஈடு செய்ய முடியாதது என்றாலும், நமக்காக வாழும் மற்ற உறவுகளுக்காக மன உறுதியுடன் வாழ்வதே சிறந்தது.