“சிங்கத்தின் குகைக்குள்ளேயே நுழைந்து வெற்றி” கார்ல்சனின் கோட்டையைத் தகர்த்த பிரக்ஞானந்தா… வியந்து பாராட்டிய ஆனந்த் மகிந்திரா..!!

2026 நார்வே செஸ் தொடரில் சாம்பியன் பட்டம் வென்ற இளம் கிராண்ட்மாஸ்டர் பிரக்ஞானந்தாவுக்குப் பிரபல தொழிலதிபர் ஆனந்த் மகிந்திரா தனது மனமார்ந்த வாழ்த்துகளைத் தெரிவித்துள்ளார். பல ஆண்டுகளாக நார்வே செஸ் தொடர் என்பது உலக சாம்பியன் மேக்னஸ் கார்ல்சனின் கோட்டையாக இருந்து வந்த நிலையில், அதனைத் தகர்த்து பிரக்ஞானந்தா சாதித்துள்ளது குறிப்பிடத்தக்கது.

இதனைக் குறிப்பிட்ட ஆனந்த் மகிந்திரா, “சிங்கத்தின் குகைக்குள்ளேயே நுழைந்து வெற்றி பெற்றுள்ளீர்கள்” எனப் பிரக்ஞானந்தாவை வெகுவாகப் பாராட்டியுள்ளார். மேலும், வெறும் கோப்பைக்காக மட்டுமல்லாமல், எதற்கும் அஞ்சாமல் சவால் விடும் அவரது அசாத்திய மனப்பான்மைக்காகவே இந்தப் பட்டம் மிகவும் முக்கியமானது என்றும் அவர் புகழ்ந்துள்ளார்.