ஆட்டம் ஆரம்பம்..! “போரை நிறுத்த இதுவே வழி” அந்த 3 கண்டிஷன்… அமெரிக்காவுக்கு ஈரான் அதிபர் விதித்த அதிரடி ‘டெட்லைன்’..!!

அமெரிக்கா மற்றும் இஸ்ரேல் நாடுகளுடன் நிலவி வரும் தீவிரப் போர்ச் சூழலைத் தணிக்க, ஈரான் அதிபர் மசூத் பெசெஷ்கியான் மூன்று முக்கியமான நிபந்தனைகளை முன்வைத்துள்ளார். பிப்ரவரி 2026-ல் தொடங்கிய இந்த மோதல் காரணமாக மத்திய கிழக்கில் பதற்றம் அதிகரித்துள்ள நிலையில், ரஷ்யா மற்றும் பாகிஸ்தான் நாட்டுத் தலைவர்களுடன் நடத்திய ஆலோசனையின் போது அவர் தனது நிபந்தனைகளை அதிகாரப்பூர்வமாக வெளிப்படுத்தினார்.

ஈரான் அதிபர் விதித்துள்ள அந்த 3 முக்கிய நிபந்தனைகள் பின்வருமாறு: முதலாவதாக, ஈரானின் இறையாண்மை மற்றும் அதன் நியாயமான உரிமைகளைச் சர்வதேச அளவில் முழுமையாக அங்கீகரிக்க வேண்டும். இரண்டாவதாக, இதுவரை நடத்தப்பட்டத் தாக்குதல்களால் ஏற்பட்டுள்ள உயிர் மற்றும் சொத்துச் சேதங்களுக்கு உரிய போர் இழப்பீடு (Reparations) வழங்கப்பட வேண்டும். மூன்றாவதாக, எதிர்காலத்தில் ஈரான் மீது இதுபோன்ற எந்தவிதத் தாக்குதல்களும் மீண்டும் நடத்தப்படாது என்பதற்கான உறுதியான சர்வதேசப் பாதுகாப்பை வழங்க வேண்டும்.

இந்த மூன்று நிபந்தனைகளும் ஏற்றுக்கொள்ளப்பட்டால் மட்டுமே அமைதிப் பேச்சுவார்த்தைக்கு ஈரான் தயாராக இருப்பதாக அவர் திட்டவட்டமாகத் தெரிவித்துள்ளார். அமெரிக்க அதிபர் டொனால்ட் ட்ரம்ப் ஈரான் போர் விரைவில் முடிவுக்கு வரும் என்று கூறி வரும் நிலையில், ஈரானின் இந்த நிபந்தனைகள் சர்வதேச அரசியல் மேடையில் புதிய விவாதத்தைக் கிளப்பியுள்ளன. இந்த நிபந்தனைகள் ஏற்கப்படுமா அல்லது போர் மேலும் தீவிரமடையுமா என்பதை உலக நாடுகள் உற்று நோக்கி வருகின்றன.