16 வயது சிறுமிகளை வேட்டையாடி சடலத்துடன் உடலுறவு… உடல் பாகங்களை வெட்டி சாப்பிட்ட கொடூரம்… வெளிச்சத்திற்கு வந்த இந்தியாவின் எப்ஸ்டீன்…..!

அமெரிக்காவை அதிரவைத்த ஜெப்ரி எப்ஸ்டீன் விவகாரத்தைப் போலவே, இந்தியக் குற்றவியல் வரலாற்றில் நீங்காத கறையாக இருப்பது நொய்டா ‘நிதாரி’ கொலை வழக்கு. உத்தரப்பிரதேச மாநிலம் நிதாரியில் உள்ள தொழிலதிபர் மொகிந்தர் சிங் பந்தேரின் பங்களாவில் வசித்து வந்த சுரேந்தர் கோலி, அங்கு வேலைக்காரராக இருந்தார். இவர்கள் இருவரும் இணைந்து 2006-ம் ஆண்டு வாக்கில் அந்தப் பகுதியில் வசித்த ஏழை எளிய குடும்பங்களைச் சேர்ந்த சிறுமிகள் மற்றும் இளம்பெண்களைக் கடத்தி, கொடூரமான முறையில் பாலியல் வன்கொடுமை செய்து கொலை செய்ததாகக் குற்றம் சாட்டப்பட்டது.

இந்தக் கொடூரங்கள் வெளிச்சத்திற்கு வந்த விதம் மிகவும் அதிர்ச்சியளிப்பதாகும். அப்பகுதியில் குழந்தைகள் தொடர்ந்து மாயமாகி வந்த நிலையில், காணாமல் போன ஒரு பெண் கடைசியாக மொகிந்தர் சிங்கின் வீட்டிற்குச் சென்றது தெரியவந்தது. சந்தேகத்தின் பேரில் அந்த வீட்டின் அருகே சோதனையிட்டபோது, அங்கிருந்த கழிவுநீர் கால்வாயில் மண்டையோடுகள் மற்றும் எலும்புக்கூடுகள் கண்டெடுக்கப்பட்டன. விசாரணையில், சுரேந்தர் கோலி சிறுமிகளைக் கொன்று அவர்களின் சடலங்களுடன் உடலுறவு கொண்டதோடு, உடல் பாகங்களைச் சமைத்து உண்டதாகவும் கூறப்பட்ட தகவல் ஒட்டுமொத்த தேசத்தையும் உறைய வைத்தது.

இந்த வழக்கை விசாரித்த சிபிஐ நீதிமன்றம், சுரேந்தர் கோலி மற்றும் மொகிந்தர் சிங் ஆகிய இருவருக்கும் மரண தண்டனை விதித்து தீர்ப்பளித்தது. பத்துக்கும் மேற்பட்ட கொலை வழக்குகளில் சுரேந்தர் கோலிக்குத் தண்டனை உறுதி செய்யப்பட்டது. பல ஆண்டுகளாக நீடித்த இந்த சட்டப் போராட்டத்தில், பாதிக்கப்பட்ட குடும்பத்தினர் தங்களுக்கு நீதி கிடைக்கும் என்று ஆவலுடன் காத்திருந்தனர். இந்திய நீதித்துறை வரலாற்றில் மிகவும் அரிதான மற்றும் கொடூரமான வழக்காக இது பார்க்கப்பட்டது.

இருப்பினும், இந்த வழக்கில் எதிர்பாராத திருப்பமாக, 2023 மற்றும் 2024-ம் ஆண்டுகளில் அலகாபாத் உயர்நீதிமன்றம் போதிய ஆதாரங்கள் இல்லை எனக் கூறி இருவரையும் விடுவித்தது. குற்றத்தை நிரூபிப்பதில் புலனாய்வுத் துறையின் தோல்வி மற்றும் வலுவான சாட்சியங்கள் இல்லாதது இவர்களின் விடுதலைக்குக் காரணமாக அமைந்தது. நாட்டையே உலுக்கிய இத்தகைய கொடூரமான குற்றத்தைச் செய்தவர்கள் தண்டனையிலிருந்து தப்பியது, சமூக ஆர்வலர்கள் மற்றும் பொதுமக்களிடையே பெரும் அதிருப்தியையும் வேதனையையும் ஏற்படுத்தியுள்ளது.