இப்பவே வரலன்னா குழந்தையை வீசிடுவேன்…!” மனைவியை மிரட்டி தந்தையே செய்த கொடூரம்… 5 மாதக் குழந்தை பலி… பகீர் பின்னணி…!!

உத்தரப் பிரதேச மாநிலம் பதாயூன் மாவட்டத்தில், குடும்பச் சண்டையின் உச்சக்கட்டமாக ஐந்து மாதப் பச்சிளம் குழந்தையைத் தந்தையே மாடியிலிருந்து வீசிக் கொன்ற கொடூரச் சம்பவம் நிகழ்ந்துள்ளது. மாமியார் வீட்டில் தங்கியிருந்தபோது மனைவியுடன் ஏற்பட்ட கடுமையான வாக்குவாதத்தால் ஆத்திரமடைந்த அந்த நபர், குழந்தையைத் தூக்கிக்கொண்டு மாடிக்குச் சென்றுள்ளார். மனைவி தன்னுடனேயே உடனே வர வேண்டும் என்றும், இல்லையெனில் குழந்தையைக் கொன்றுவிடுவதாகவும் மிரட்டிய அவர், குடும்பத்தினர் கதறி அழுது கெஞ்சியதையும் பொருட்படுத்தாமல் குழந்தையைத் கீழே தள்ளியுள்ளார். 20 அடி உயரத்தில் இருந்து விழுந்த அந்தப் பிஞ்சு குழந்தை சம்பவ இடத்திலேயே பரிதாபமாக உயிரிழந்தது.

இந்தக் கொடூரச் செயலால் ஆத்திரமடைந்த உறவினர்கள் அந்த நபரைக் கையும் களவுமாகப் பிடித்து அறைக்குள் பூட்டி வைத்தனர். தகவலறிந்து சம்பவ இடத்திற்கு வந்த போலீசார், தப்பியோட முயன்ற அந்தத் தந்தையை அதிரடியாகக் கைது செய்து சிறையில் அடைத்தனர். குழந்தையின் உடல் பிரேதப் பரிசோதனைக்காக அனுப்பி வைக்கப்பட்டுள்ள நிலையில், சிறிய தகராறுக்காகச் சொந்தக் குழந்தையையே கொலை செய்த இந்தக் கொடூரச் சம்பவம் அப்பகுதி மக்களிடையே பெரும் சோகத்தையும் அதிர்ச்சியையும் ஏற்படுத்தியுள்ளது. போலீசார் இந்த விவகாரம் தொடர்பாகத் தீவிர விசாரணை மேற்கொண்டு வருகின்றனர்.