“அன்புமணியை நான் சரியாக வளர்க்கவில்லை” பொதுக்குழு மேடையிலேயே கண்ணீர் விட்டு அழுத ராமதாஸ்…!!

சேலத்தில் இன்று  நடைபெற்ற பாமக பொதுக்குழு கூட்டத்தில், அக்கட்சியின் நிறுவனர் டாக்டர் ராமதாஸ் மேடையிலேயே மனமுடைந்து கண்ணீர் விட்டு அழுதது பெரும் பரபரப்பை ஏற்படுத்தியுள்ளது. தனது பேரன் சுகுந்தன், அன்புமணி ராமதாஸை ‘பதவி வெறி பிடித்தவர்’ என்று விமர்சித்ததைத் தொடர்ந்து பேசிய ராமதாஸ், “அன்புமணியை நான் சரியாக வளர்க்கவில்லை. அவர் கண்ட இடத்தில் ஈட்டியால் குத்துவது போலக் குத்துகிறார்” என்று மிகுந்த வேதனையுடன் தெரிவித்தார். குடும்ப உறுப்பினர்களுக்கு இடையேயான இந்த மோதல் பாமகவின் மிக முக்கியமான பொதுக்குழு மேடையிலேயே வெடித்தது தொண்டர்களிடையே அதிர்ச்சியை ஏற்படுத்தியுள்ளது.