“கணவரின் நண்பருடன் உல்லாசமாக இருந்த மனைவி”… கொலை செய்து பெட்டிக்குள் பூட்டப்பட்ட சடலம்.. 4 நாட்களுக்கு பிறகு வெளிவந்த திடுக்கிடும் உண்மை….!

ஹரியானா மாநிலம் குருகிராமில், திருமணத்தை மீறிய உறவு காரணமாக 24 வயதான அமன் என்ற டெலிவரி ஏஜென்ட் கொடூரமாகக் கொலை செய்யப்பட்டுள்ளார். பீகாரைச் சேர்ந்த அமன், தனது மனைவி சுனிதாவுடன் குருகிராமில் வசித்து வந்தார். இந்நிலையில், அதே வீட்டில் தங்கியிருந்த சோனு குமார் (19) என்பவருடன் சுனிதாவுக்குத் தகாத உறவு ஏற்பட்டதாகக் கூறப்படுகிறது. இந்த விவகாரம் அமனுக்குத் தெரியவந்ததையடுத்து, அவருக்கும் சோனுவுக்கும் இடையே கடும் வாக்குவாதம் ஏற்பட்டுள்ளது. இதனால் ஆத்திரமடைந்த சோனு, அமன் தங்களைக் கொன்றுவிடுவாரோ என்ற பயத்தில், தனது நண்பர் முகமது மிராஜ் (20) என்பவருடன் சேர்ந்து அவரைக் கொலை செய்யத் திட்டம் தீட்டியுள்ளார்.

கடந்த ஏப்ரல் 25-ஆம் தேதி அதிகாலை, பஞ்சாரா சந்தைப் பகுதியில் அமன் தனியாக இருந்தபோது, சோனுவும் மிராஜும் அவரைத் தாக்கியுள்ளனர். விசாரணையில், ஒருவர் அமனின் கால்களைப் பிடித்துக் கொள்ள, மற்றொருவர் அவரது கழுத்தை நெரித்துக் கொலை செய்ததை அவர்கள் ஒப்புக்கொண்டுள்ளனர். கொலையை மறைப்பதற்காக, அமனின் உடலை ஒரு இரும்புப் பெட்டியில் வைத்துப் பூட்டிவிட்டு அங்கிருந்து தப்பிச் சென்றுள்ளனர். மூன்று அல்லது நான்கு நாட்களுக்குப் பிறகு சடலம் கண்டெடுக்கப்பட்டபோது, அமனின் கழுத்தில் காயங்களும் முகத்தில் தீக்காயங்களும் இருந்ததை காவல்துறையினர் கண்டறிந்தனர்.

இந்தச் சம்பவம் குறித்து அமனின் சகோதரருக்கு அவரது நண்பர் ஒருவர் போன் மூலம் தகவல் தெரிவித்துள்ளார். சம்பவ இடத்திற்கு விரைந்து வந்த சகோதரர், காரின் டிக்கிக்குள் இருந்த பெட்டியில் அமனின் உடல் சிதைந்த நிலையில் இருப்பதைக் கண்டு அதிர்ச்சியடைந்து காவல்துறையினருக்குப் புகார் அளித்தார். தனது தம்பியின் கள்ள உறவு விவகாரத்தையும், சோனுதான் இந்தக் கொலையைச் செய்தார் என்று சுனிதா தன்னிடம் கூறியதாகவும் அவர் தனது புகாரில் குறிப்பிட்டுள்ளார். இதன் அடிப்படையில் வழக்குப் பதிவு செய்த போலீசார், தீவிர தேடுதல் வேட்டைக்குப் பிறகு சோனு குமார் மற்றும் முகமது மிராஜ் ஆகிய இருவரையும் கைது செய்தனர்.

கைது செய்யப்பட்ட இருவரும் தற்போது தீவிர விசாரணைக்கு உட்படுத்தப்பட்டுள்ளனர். பாதிக்கப்பட்ட அமனின் மனைவி சுனிதாவிடமும் காவல்துறையினர் சந்தேகத்தின் பேரில் விசாரணை நடத்தி வருகின்றனர். இந்தக் கொலைச் சம்பவத்தில் சுனிதாவுக்குத் தொடர்பு இருப்பதற்கான ஆதாரங்கள் கிடைத்தால், அவர் மீதும் சட்டப்படி நடவடிக்கை எடுக்கப்பட்டு கைது செய்யப்படுவார் என்று காவல்துறையினர் தெரிவித்துள்ளனர். ஒரு டெலிவரி ஏஜென்ட் தனது நண்பராலேயே கள்ளக்காதல் மோதலில் கொல்லப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.