“அவ கத்தினா.. அதான் கல்லால் அடிச்சோம்!”.. காதலனின் நண்பனுடன் படுக்க மறுத்த காதலிக்கு நேர்ந்த கொடூரம்.. மிர்சாபூரை உலுக்கிய மெகா கிரைம்.. போலீசின் அதிரடி வேட்டை..!!!

ராஜஸ்தான் மிர்சாபூர் மாவட்டத்தின் பத்ரி காவல் நிலைய எல்லைக்குட்பட்ட பசாரி கிராமத்தில், இளம் பெண் ஒருவர் அவரது காதலன் மற்றும் அவனது நண்பனால் கொடூரமாகப் பாலியல் வன்கொடுமை செய்யப்பட்டு, கொலை செய்யப்பட்ட துயரச் சம்பவம் நேற்று (மே 24, 2026) வெளிச்சத்திற்கு வந்துள்ளது. மே 23 ஆம் தேதி இரவு வீட்டில் தூங்கிக் கொண்டிருந்த அந்தப் பெண் திடீரெனக் காணாமல் போன நிலையில், மறுநாள் காலையில் கிராமத்தில் உள்ள ஒரு வறண்ட சாக்கடையில் அவரது உடல் கண்டெடுக்கப்பட்டது. அப்பெண்ணின் மூக்கு, உதடுகள் மற்றும் கழுத்துப் பகுதிகளில் கடுமையான காயங்கள் இருந்ததைக் கண்டு அதிர்ச்சியடைந்த கிராம மக்கள் உடனடியாகக் காவல்துறைக்குத் தகவல் கொடுத்தனர்.

இந்த வழக்கில் ஏற்கனவே அப்பெண்ணின் காதலனான சஜன் (என்ற ராஜன்) கைது செய்யப்பட்டிருந்த நிலையில், தலைமறைவாக இருந்த அவனது நண்பன் அஜய் பிந்துக்கும் காவல்துறைக்கும் இடையே இன்று அதிரடித் துப்பாக்கிச் சண்டை மூண்டது. இந்த என்கவுண்டர் மோதலின் போது காவல்துறையினர் குற்றவாளி அஜய் பிந்தின் காலில் சுட்டு அவரைக் கைது செய்தனர். அவரிடமிருந்து சட்டவிரோத கைத்துப்பாக்கி மற்றும் தோட்டாக்கள் மீட்கப்பட்டன. தற்போது காயமடைந்த குற்றவாளிக்கு மருத்துவமனையில் சிகிச்சை அளிக்கப்பட்டு வருவதாக கூடுதல் காவல் கண்காணிப்பாளர் நிதேஷ் குமார் சிங் தெரிவித்துள்ளார்.

கைது செய்யப்பட்ட அஜய் பிந்த் காவல்துறையிடம் அளித்த வாக்குமூலத்தில் இந்த கொடூரச் சம்பவத்தின் பின்னணியை விவரித்துள்ளான். சஜன் தனது காதலியை அவனுக்கு அறிமுகம் செய்ய அழைத்துச் சென்றதாகவும், அங்கு சஜன் அப்பெண்ணுடன் உடலுறவு கொண்ட பிறகு அஜய்யும் அதற்கு முயன்றதாகக் கூறியுள்ளான். ஆனால், அதற்கு அப்பெண் மறுத்து சத்தம் போடவே, இருவரும் சேர்ந்து அவரது மார்பில் கல்லால் அடித்து, துண்டால் கழுத்தை நெரித்துக் கொடூரமாகக் கொலை செய்துள்ளனர். பின்னர் உடலைச் சாக்கடையில் வீசிவிட்டுத் தப்பிய ஓடியது விசாரணையில் அம்பலமாகியுள்ளது. இச்சம்பவம் குறித்து போலீசார் மேலதிக விசாரணையைத் தீவிரப்படுத்தியுள்ளனர்.