இனி மின் கட்டணத்தை நீங்களே 2 நிமிடங்களில் கணக்கிடலாம்.. இதோ எளிய டிப்ஸ்..!!

தமிழகத்தில் வீடுகளுக்கு மின்சாரத்தை 100 யூனிட் வரை இலவசமாக வழங்கப்பட்டு வருகிறது. அதற்கு மேல் பயன்படுத்தும் மின்சாரத்திற்கு பயனாளர்களிடமிருந்து கட்டணம் வசூல் செய்யப்படுகிறது. அதனால் 100 முதல் 200 யூனிட் வரை, 200 முதல் 500 யூனிட் வரை, 500 யூனிட்டுக்கு மேல் என பல விகிதங்களில் மின் கட்டணம் கணக்கிடப்படுகிறது. இதனிடையே பொதுமக்கள் சுயமாக மின்கட்டணத்தை கணக்கீடு செய்து கொள்ளலாம் என்று கடந்த சில மாதங்களுக்கு முன்பு மின்சார வாரியம் அறிவித்தது. அதனை போட்டோ எடுத்து வாட்ஸ் அப் மூலமாக மின்வாரிய அதிகாரிகளுக்கு அனுப்பி மின் கட்டணத்தை இணையவழியில் செலுத்திக் கொள்ளலாம் என தெரிவித்தது.

இந்த நிலையில் மின்கட்டணத்தை நுகர்வோர் கணக்கிடும் விதமாக புதிய செயலி வடிவமைக்கப்பட்டுள்ளது. இந்த செயலியில் மீட்டர் புகைப்படத்தை பதிவேற்றம் செய்தால் ரசீது வந்துவிடும். இந்த மின் கட்டண ரசீது நுகர்வோருக்கு குறுஞ்செய்தி மூலமாக அனுப்பப்படும் எனவும் இந்த செயலியை செல்போனில் பதிவிறக்கம் செய்து மின்கட்டணத்தை கணக்கீடு செய்யலாம் எனவும் தெரிவிக்கப்பட்டுள்ளது.

அதனைப் போலவே நம் வீட்டில் இருக்கும் மீட்டர் பாக்ஸில் எவ்வளவு யூனிட் மின்சாரங்களை பயன்படுத்தி உள்ளோம் என்பதை https://tnebcalculator-gowdham.netlify/ என்ற லிங்க் மூலம் மின்சார யூனிட் களை பதிவிட்டு கணக்கிட்டு சேவையை தட்டினால் மின்கட்டணம் எவ்வளவு என்பதை திரையில் வெளியாகும் என அறிவிக்கப்பட்டுள்ளது. உதாரணமாக 500 யூனிட்டுகளை பதிவு செய்யும் பட்சத்தில் 101-200, 201-400 மற்றும் 401-500 என யூனிட்களை தனித்தனியாக கணக்கிட்டு மொத்த தொகையை திரையில் வெளிக்காட்டும் என்று தெரிவிக்கப்பட்டுள்ளது.