2-வது கணவரை பிரிந்தாரா தாமரை செல்வி…? இன்ஸ்டாகிராம் பெயர் மாற்றத்தால் வெடித்த சர்ச்சை… குழப்பத்தில் ரசிகர்கள்…!!

பிக்பாஸ் நிகழ்ச்சி மூலம் தமிழ்நாட்டு மக்களின் இதயங்களில் தனி இடம்பிடித்த நாட்டுப்புறக் கலைஞரும், நடிகையுமான தாமரைச் செல்வி தனது இரண்டாவது கணவர் பார்த்தசாரதியைப் பிரிந்துவிட்டதாக வெளியாகி உள்ள தகவல் சின்னத்திரை வட்டாரத்திலும் அவரது ரசிகர்களுக்கும் இடையே பெரும் அதிர்ச்சியை ஏற்படுத்தியுள்ளது.

விஜய் தொலைக்காட்சியின் பிக் பாஸ் சீசனில் தனது எதார்த்தமான பேச்சாலும், வெளிப்படையான குணத்தாலும் லட்சக்கணக்கான ரசிகர்களை ஈர்த்த தாமரைச் செல்வி, அதனைத் தொடர்ந்து ‘சின்ன மருமகள்’ சீரியல் மற்றும் பல திரைப்படங்களிலும் நடித்து வந்தார். தனது கணவர் பார்த்தசாரதியுடன் இணைந்து ‘பிபி ஜோடிகள்’ உள்ளிட்ட பல நிகழ்ச்சிகளில் கலந்துகொண்டு அன்யோன்யமாக வலம் வந்த இவர், தற்போது அவரைப் பிரிந்துவிட்டதாகத் தகவல்கள் வெளியாகியுள்ளன.

பார்த்தசாரதி தனது இன்ஸ்டாகிராம் பக்கத்தில் வெளியிட்ட பதிவு இதற்குக் காரணமாக அமைந்த நிலையில், தாமரைச் செல்வியும் தனது இன்ஸ்டாகிராம் பக்கத்தில் இருந்த கணவரின் பெயரான ‘தாமரைச்செல்விசாரதி’ என்பதை மாற்றி ‘தாமரைச்செல்விகோபால்’ எனப் பெயர் மாற்றியுள்ளது இந்தச் செய்தியை உறுதிப்படுத்தும் வகையில் அமைந்துள்ளது.

எனினும், கணவரின் புகைப்படங்களை அவர் நீக்கவில்லை என்பதும், இது குறித்து தாமரைச் செல்வி தரப்பிலிருந்து இதுவரை அதிகாரப்பூர்வ விளக்கம் எதுவும் அளிக்கப்படவில்லை என்பதும் குறிப்பிடத்தக்கது. இத்தனை நாள்கள் மிகச் சிறந்த ஜோடியாகக் கருதப்பட்ட இவர்களுக்குள் திடீரென ஏற்பட்ட கருத்து வேறுபாடு என்ன என்பது குறித்து ரசிகர்கள் பலரும் தங்களது வருத்தத்தையும் குழப்பத்தையும் சமூக வலைதளங்களில் வெளிப்படுத்தி வருகின்றனர்.