இந்தப்பக்கம் சாமி கும்பிடுவது போல் நாடகம்… அந்தப்பக்கம் திருநீற்றை அழிப்பதா..? திருமாவை வெளுத்து வாங்கும் ஹிந்து மக்கள் கட்சி..!!

விடுதலை சிறுத்தைகள் கட்சியின் தலைவர் திருமாவளவன் திருப்பரங்குன்றத்தில் நேற்று சுவாமி தரிசனம் செய்தார். அப்போது செல்பி எடுப்பதற்காக நெற்றியில் இருந்து திருநீற்றை அழித்ததற்கு ஹிந்து மக்கள் கட்சி  கண்டனம் தெரிவித்திருக்கிறது. மதுரையில் அக்கட்சியின் மாவட்ட தலைவர் சோலை கண்ணன் செய்தியாளர்களை சந்தித்து பேசியதாவது, “நெற்றியில் வைத்த திருநீற்றை கோயில் வளாகத்தில் வேண்டும் என்றே அளித்தது முருகன் கடவுளை இழிவு படுத்துவதாக உள்ளது. திருநீறு ஏன் அளித்தீர்கள் என்று அவரிடம் கேட்டால் ஆறு மணி நேரமாக நெற்றியில் இருந்தது. அதனால் தான் அதை அழித்தேன் என்று தவறான விளக்கம் கொடுத்துள்ளார். கோயிலுக்குள் ஆறு மணி நேரமாகவா இருந்தார்.

பொய் சொல்வதற்கு ஒரு அளவு வேண்டாமா? திருப்பரங்குன்றம் விவகாரத்தின் போது அமைதியாக இருந்துவிட்டு இப்போது முருகனை தரிசிப்பது போல தரிசித்து விட்டு அதன் பிறகு திருநீறு அழித்துள்ளார். பிறகு சிக்கந்தர் பள்ளிவாசல் தர்காவிற்கு சென்று விட்டு மலை விவகாரத்தை பற்றி பேச என்ன காரணம்? சனாதனத்தை ஒழிப்போம், மதசார்பின்மையை காப்போ,ம் கோயில் கோபுரத்தில் இருப்பதெல்லாம் ஆபாச பொம்மைகள், நாங்கள் கடவுளின் மறுப்பாளர்கள் ஈவெரா வாரிசு என்று மார்தட்டிக் கொண்டு இந்து மத நம்பிக்கைக்கும், சனாதன தர்மத்திற்கும் எதிராக பேசி வரும் திருமாவளவனுக்கு திருப்பரங்குன்றம் முருகன் கோவிலில் என்ன வேலை?” என்று கூறியுள்ளார்.