“சின்னம்மா 2.0”: டிடிவி தினகரனுக்கு ‘ஷாட்’ கொடுத்த சசிகலா… தமிழக அரசியலை தலைகீழாக மாற்றப்போகும் அந்த 48 மணிநேரம்..!

தமிழக அரசியலில் தற்போது பெரும் பரபரப்பை ஏற்படுத்தியுள்ள செய்தி, வி.கே.சசிகலா விரைவில் புதிய கட்சி ஒன்றைத் தொடங்கவுள்ளார் என்பதாகும். இந்தக் கட்சியானது நடிகர் விஜய்யின் தமிழக வெற்றிக் கழகத்துடன் கூட்டணி அமைப்பதற்கான வாய்ப்புகள் அதிகம் இருப்பதாக அரசியல் வட்டாரங்களில் பேசப்படுகிறது. இதனை உறுதிப்படுத்தும் விதமாக, சசிகலாவின் தம்பி திவாகரன் சமீபத்தில் விஜய்யைச் சந்தித்துப் பேசியுள்ளதாகத் தகவல்கள் கசிந்துள்ளன. இந்தத் திடீர் நகர்வு, வரும் சட்டமன்றத் தேர்தலில் ஒரு புதிய அரசியல் அச்சை உருவாக்கும் என எதிர்பார்க்கப்படுவதால், மற்ற கட்சிகள் இதனை உன்னிப்பாகக் கவனித்து வருகின்றன.

மற்றொருபுறம், டிடிவி தினகரனின் அமமுக கட்சியை வலுவிழக்கச் செய்யும் நோக்கில் சசிகலா காய்களை நகர்த்தி  வருவதாகக் கூறப்படுகிறது. அமமுகவில் உள்ள முக்கிய நிர்வாகிகள் மற்றும் அதிருப்தியில் இருப்பவர்களிடம் சசிகலா தரப்பு ரகசிய பேச்சுவார்த்தைகளை நடத்தி வருகிறதாம். சசிகலாவின் இந்த அழைப்பிற்குப் பல நிர்வாகிகள் பச்சைக்கொடி காட்டியுள்ளதாகவும், அவர்கள் விரைவில் சசிகலா தொடங்கவுள்ள புதிய கட்சியில் இணையத் தயாராக இருப்பதாகவும் செய்திகள் வெளியாகியுள்ளன. இந்த உட்கட்சி மோதல் மற்றும் புதிய கூட்டணிக் கணக்குகள் தமிழக அரசியலில் அடுத்தடுத்த அதிரடி மாற்றங்களுக்கு வழிவகுக்கும் எனத் தெரிகிறது.