“ஐயோ என் கால் போச்சு” வலியில் துடித்தபடி கீழே சரிந்த இஷான் கிஷன்… பும்ரா வீசிய பந்தால் நேர்ந்த விபரீதம்.. வைரலாகும் வீடியோ..!!

2026 டி20 உலகக்கோப்பையில் நமீபியாவுக்கு எதிரான போட்டிக்கு முன்னதாக நடைபெற்ற பயிற்சியின் போது, ஜஸ்பிரித் பும்ராவின் அதிவேக யார்க்கர் பந்து தாக்கி இஷான் கிஷன் காயமடைந்தார். டெல்லியில் உள்ள அருண் ஜெட்லி மைதானத்தில் பிப்ரவரி 11 அன்று நடைபெற்ற இந்தப் பயிற்சி ஆட்டத்தின் போது, பும்ரா வீசிய ‘டோ-க்ரஷிங்’ (Toe-crushing) யார்க்கர் இஷான் கிஷனின் இடது காலில் பலமாகத் தாக்கியது. இதனால் வலியால் துடித்த அவர், உடனடியாக மைதானத்திலேயே விழுந்தார்; பிறகு பிசியோதெரபிஸ்ட் உதவியுடன் சிகிச்சை பெற்றுக்கொண்டார்.

இந்தக் காயத்தால் இஷான் கிஷன் சிறிது நேரம் பயிற்சியிலிருந்து விலகியிருந்தாலும், பின்னர் மீண்டும் வலைப்பயிற்சிக்குத் திரும்பினார். இருப்பினும், அவர் நடக்கும்போது லேசான சிரமத்துடனேயே காணப்பட்டார். ஏற்கனவே மற்றொரு தொடக்க ஆட்டக்காரரான அபிஷேக் சர்மா உடல்நலக்குறைவால் பாதிக்கப்பட்டுள்ள நிலையில், கிஷனின் இந்தத் திடீர் காயம் இந்திய அணிக்குச் சற்று கவலையை ஏற்படுத்தியுள்ளது. ஒருவேளை அவர் விளையாட முடியாத பட்சத்தில், சஞ்சு சாம்சன் தொடக்க வீரராகக் களமிறக்கப்பட வாய்ப்புள்ளதாகக் கருதப்படுகிறது.