பஞ்சாப் மாநிலம் பரீத்கோட் பகுதியில், பெண் உதவி ஆய்வாளர் (ASI) ஒருவர் தனது சொந்த 5 வயது பேத்தியை மிகக் கொடூரமான முறையில் தண்டித்த சம்பவம் பெரும் அதிர்ச்சியை ஏற்படுத்தியுள்ளது. கொளுத்தும் வெயிலில், அந்தச் சிறுமியின் கை, கால்களைத் துணியால் கட்டி, வீட்டின் வெளிப்பக்க இரும்பு கேட்டில் தலைகீழாகத் தொங்கவிட்டுள்ளார்.
அந்தக் குழந்தையின் பெற்றோர் தற்போது போர்ச்சுகல் நாட்டில் வசித்து வரும் நிலையில், சிறுமி தனது பாட்டியின் பராமரிப்பில் இருந்து வந்துள்ளார். வெயிலின் கொடுமை தாளாமல் அந்தச் சிறுமி கதறி அழுத சத்தம் கேட்டு, அக்கம் பக்கத்தினர் விரைந்து வந்து பார்த்தபோது இந்த அவலம் தெரியவந்தது. உடனடியாக ஓடிச் சென்ற அண்டை வீட்டார், கேட்டில் கட்டப்பட்டிருந்த சிறுமியை மீட்டுத் தரைக்குக் கொண்டு வந்தனர்.
பாதுகாப்பு வழங்க வேண்டிய காவல் துறையில் இருக்கும் ஒருவரே, ஒரு பச்சிளம் குழந்தையிடம் இவ்வளவு மனிதாபிமானமற்ற முறையில் நடந்துகொண்டது சமூக வலைதளங்களில் கடும் கண்டனங்களைப் பெற்று வருகிறது. இந்தச் சம்பவம் தொடர்பாக அந்தப் பெண் அதிகாரி மீது காவல்துறையினர் வழக்குப் பதிவு செய்து விசாரணை நடத்தி வருகின்றனர்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…