காலையிலேயே ஷாக்… கிரிஷ் சோடங்கர் திடீர் ராஜினாமா.. காங்கிரஸில் அடுத்த பரபரப்பு…!

தமிழக காங்கிரஸ் மேலிட பொறுப்பாளராக இருந்த கிரிஷ் சோடங்கர் தனது பதவியை திடீரென ராஜினாமா செய்திருப்பது, தமிழக அரசியல் வட்டாரத்திலும் காங்கிரஸ் கட்சியினரிடையேயும் பெரும் பரபரப்பை ஏற்படுத்தியுள்ளது. தற்போது தமிழ்நாடு காங்கிரஸ் கமிட்டித் தலைவர் மாற்றப்படலாம் என்ற யூகங்கள் தீவிரமாக எழுந்து வரும் வேளையில், இந்த ராஜினாமா நிகழ்ந்திருப்பது கட்சியின் அடுத்தகட்ட நகர்வுகள் குறித்த விவாதங்களை சூடாக்கியுள்ளது.

காலியாகியுள்ள இந்த மேலிட பொறுப்பாளர் பதவிக்கு, அகில இந்திய காங்கிரஸ் பொதுச்செயலாளர் பன்வர் ஜிதேந்திர சிங் அல்லது கேரளாவைச் சேர்ந்த முன்னாள் மத்திய அமைச்சர் கொடிக்குன்னில் சுரேஷ் ஆகிய இருவரில் ஒருவர் நியமிக்கப்பட அதிக வாய்ப்புள்ளதாகத் தகவல்கள் வெளியாகியுள்ளன. தற்போதைய அரசியல் சூழலில், இந்த திடீர் தலைமை மாற்றம் வரவிருக்கும் தேர்தல்களை எதிர்கொள்வதில் தமிழக காங்கிரஸின் உத்திகளில் எத்தகைய தாக்கத்தை ஏற்படுத்தும் என்ற எதிர்பார்ப்பு அக்கட்சியினரிடையே அதிகரித்துள்ளது.