ஐயோ காப்பாத்துங்க… வெந்திரா கால்வாயில் நீந்தச் சென்ற… 5 மாணவர்கள் அடித்துச் செல்லப்பட்டு… 2 பேர் பரிதாப பலி… நெஞ்சை உலுக்கும் சம்பவம்…!

மேற்கு கோதாவரி மாவட்டத்தில் நடந்த ஐத்தம்புடி கால்வாய் சோகத்தின் சுவடுகள் மறைவதற்குள்ளேயே, பாலக்கோடேரு மண்டலம் வெந்திரா கிராமத்தில் மற்றுமொரு கொடூர சோகம் அரங்கேறியுள்ளது. ஞாயிற்றுக்கிழமை அன்று விடுமுறையைக் கழிப்பதற்காகப் பொழுதுபோக்காக நீந்தச் சென்ற ஐந்து பொறியியல் மாணவர்கள் எதிர்பாராதவிதமாக வெந்திரா கால்வாயின் வலுவான நீரோட்டத்தில் அடித்துச் செல்லப்பட்டனர். இச்சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது.

இந்த எதிர்பாராத விபத்தில் பீமவரத்தைச் சேர்ந்த விக்னேஷ் மற்றும் பார்வதிபுரத்தைச் சேர்ந்த எஸ். ராகுல் ஆகிய இரு மாணவர்கள் கால்வாயின் ஆழமான பகுதியில் மூழ்கி சம்பவ இடத்திலேயே பரிதாபமாக உயிரிழந்தனர். அதேவேளையில், அதிர்ஷ்டவசமாக நீரோட்டத்திலிருந்து தப்பித்துச் பாதுகாப்பாகக் கரைசேர்ந்த சாய், சிவகுமார் மற்றும் சக்ரேஷ் ஆகிய மூன்று மாணவர்களும் உடனடியாக மீட்கப்பட்டு, தற்போது மருத்துவமனையில் தீவிர சிகிச்சை பெற்று வருகின்றனர்.

தகவல் அறிந்தவுடன் தீயணைப்புத் துறையினரும் மீட்புக் குழுவினரும் உடனடியாகச் சம்பவ இடத்திற்கு விரைந்து வந்து மீட்பு நடவடிக்கைகளை மேற்கொண்டனர். ஐத்தம்புடி சம்பவத்தைத் தொடர்ந்து மீண்டும் ஒரு முறை அதே மாவட்டத்தில் கால்வாயில் மூழ்கி இளம் பொறியியல் மாணவர்கள் உயிரிழந்த இச்சம்பவம், அப்பகுதி மக்களிடையேயும் சக மாணவர்களிடையேயும் ஆறாத் துயரத்தை ஏற்படுத்தியுள்ளது.