“ஐயோ… என்ன பார்த்துகிட்டு இருக்க… அவனை அடி…” ஓடும் லோக்கல் ரயிலில் நடுவழியில் பயங்கர மோதல்… பயணிகள் உறைந்துபோன அதிர்ச்சி சம்பவம்… மும்பையில் பரபரப்பு…!

மும்பையின் முக்கிய போக்குவரத்து சாதனமான உள்ளூர் ரயிலில், பயணிகள் நெரிசல் மிகுந்த பெட்டிக்குள் திடீரென வாக்குவாதத்தில் ஈடுபட்டனர். இந்த வாய்மொழிச் சண்டை விரைவில் முற்றி, இருவருக்கிடையே கைக்கலப்பாகவும் ரோதனை சண்டையாகவும் மாறியது. ரயில் இயக்கத்தில் இருக்கும் போதே அவர்கள் ஒருவரையொருவர் தாக்கி முஷ்டிகளால் குத்துவிட்டுக் கொண்ட காட்சி இணையத்தில் பரவலாக பகிரப்பட்டு வருகிறது.

கடந்த 24 மணி நேரத்திற்குள் மும்பை லோக்கல் ரயில்களில் இதுபோன்ற மோதல்கள் நடப்பது இது இரண்டாவது முறை என்று கூறப்படுகிறது. இதற்கு முன்னதாக பெண் பயணிகள் மற்றும் பிற பயணிகளுக்கு இடையே ரயில்களில் மோதல் வெடித்த வீடியோக்களும் சமூக வலைத்தளங்களில் வெளியாகி அதிர்ச்சியை ஏற்படுத்தியிருந்தன. நாளுக்கு நாள் அதிகரித்து வரும் இந்தச் சண்டைகள் சக பயணிகளிடையே அச்சத்தை ஏற்படுத்தியுள்ளது.

https://www.instagram.com/reel/DcfeTSDpLGJ/?utm_source=ig_web_button_share_sheet

மும்பை லோக்கல் ரயில்களில் தினமும் லட்சக்கணக்கான மக்கள் பயணம் செய்கிறார்கள். பீக் ஹவர்ஸ் எனப்படும் அதிக நெரிசல் நேரங்களில் ஏற்படும் சிறு வாக்குவாதம் கூட இதுபோன்ற பெரிய வன்முறைகளில் முடிவது கவலை அளிக்கிறது. ரயில்களில் பாதுகாப்பு பலப்படுத்தப்பட வேண்டும் என்றும், பயணிகள் மத்தியில் சகிப்புத்தன்மை அவசியமென்றும் சமூக ஆர்வலர்கள் கோரிக்கை விடுத்து வருகின்றனர்.