“3 பிள்ளைகள் இருந்து என்ன பயன்…?” பள்ளி மதிய உணவை சாப்பிட்டு பசியை போக்கிய தம்பதி… “அதிகாரிகளிடம் கெஞ்சி…” சோகத்தில் உயிரை விட்ட தம்பதி…. வைரலாகும் வீடியோ…!!

தெலங்கானா மாநிலம் சங்காரெட்டி மாவட்டம் நாராயணேகட் மண்டலத்திற்குட்பட்ட சாப்தா கே கிராமத்தைச் சேர்ந்த முங்கா நர்சாரெட்டி (88) மற்றும் அஞ்சம்மா (85) என்ற முதிய தம்பதியினருக்குச் சொந்தமான 25 ஏக்கர் நிலம் மற்றும் வீட்டை அவர்களின் மகன்களான சித்தாரெட்டி, கிருஷ்ணாரெட்டி மற்றும் சங்காரெட்டி ஆகிய மூவரும் பிரித்துக் கொண்டுள்ளனர்.

சொத்தைப் பிரித்து வாங்கிய அன்றிலிருந்தே பெற்ற தாயையும் தந்தையையும் கண்டுகொள்ளாமல் மகன்கள் நடுத்தெருவில் விட்டுச் சென்றுள்ளனர். முதிய வயது மற்றும் உடல்நலக்குறைவு காரணமாகச் சமைக்கக் கூட முடியாத நிலையில், அந்த முதிய தம்பதி அரசுப் பள்ளியில் வழங்கப்படும் மதிய உணவை உண்டு பசி ஆறி உயிர் வாழ்ந்து வந்துள்ளனர். தங்களின் வாழ்வாதாரத்திற்குப் பிரித்துக் கொடுத்த நிலத்தில் இருந்து ஆளுக்கு ஒரு ஏக்கர் அல்லது இரண்டு ஏக்கர் நிலத்தை மீட்டுத் தருமாறு காவல் துறை மற்றும் அரசு அதிகாரிகளிடம் அவர்கள் பலமுறை முறையிட்டும் எந்த நடவடிக்கையும் எடுக்கப்படவில்லை.

உண்பதற்கு உணவு கூட இல்லாமல் கடுமையான மன உளைச்சலுக்கு ஆளான அந்த முதிய தம்பதி, இறுதியாக அருகிலிருந்த விவசாயக் கிணற்றில் குதித்துத் தற்கொலை செய்து கொண்டனர். இச்சம்பவம் குறித்து முதியவரின் பேரன் திருப்பதிரெட்டி அளித்த புகாரின் பேரில் வழக்குப் பதிவு செய்துள்ள காவல்துறையினர், பெற்றோரைக் கைவிட்ட கொடூர மகன்கள் மீது தீவிர விசாரணை நடத்தி வருகின்றனர்.