உஷார்..! ரேஷன் கார்டு இருக்கா?… அரசு கொடுத்த கடைசி 90 நாள் கெடு… தப்பிக்க ஒரே வழி இதுதான்… மத்திய அரசின் அதிரடி உத்தரவு…!!

கடந்த ஆறு மாதங்களாக ரேஷன் பொருட்களை வாங்காத சுமார் 1.58 கோடி குடும்ப அட்டைகளை அக்டோபர் 1-ஆம் தேதி முதல் தற்காலிகமாக முடக்கி வைக்க மத்திய அரசு முடிவெடுத்துள்ளது. இருப்பினும், இந்த அட்டைகள் நிரந்தரமாக ரத்து செய்யப்படாது என்றும், பயனாளிகளின் தகவல்கள் தரவுத்தளத்தில் இருந்து உடனடியாக நீக்கப்படாது என்றும் அரசு தரப்பில் தெளிவுபடுத்தப்பட்டுள்ளது.

இவ்வாறு முடக்கப்பட்ட அட்டைகளை மீண்டும் செயல்பாட்டிற்கு கொண்டு வர பயனாளிகளுக்கு மூன்று மாத கால அவகாசம் அளிக்கப்பட்டுள்ளது. இந்த காலக்கெடுவிற்குள், சம்பந்தப்பட்டவர்கள் இ-கேஒய்சி சரிபார்ப்பை முடித்தோ அல்லது அதிகாரிகளின் நேரடி கள ஆய்வின் மூலமாகவோ தங்களது தகுதியை நிரூபித்தால், உடனடியாக அட்டை புதுப்பிக்கப்பட்டு வழக்கம்போல் பொருட்களைப் பெறலாம். இந்த நடைமுறை தமிழகத்திற்கும் பொருந்தும்.

தொழில்நுட்ப பயன்பாடு மற்றும் ஆவணங்கள் இணைப்பின் மூலம் கடந்த 2024 ஆம் ஆண்டு நவம்பர் வரை நாடு முழுவதும் சுமார் 5.8 கோடி போலி ரேஷன் கார்டுகள் ஒழிக்கப்பட்டுள்ளன. தற்போது வரை 90 சதவீதத்திற்கும் அதிகமான இ-கேஒய்சி பணிகள் முடிவடைந்துள்ள நிலையில், அரசின் இந்த ஒழுங்குமுறை நடவடிக்கைகளால் உண்மையான மற்றும் தகுதியான மக்கள் எந்த வகையிலும் பாதிக்கப்படக் கூடாது என்பதே பொதுமக்களின் பிரதான கோரிக்கையாக இருக்கிறது.