ஐயோ கொடுமையே… 22 வயது மகளை சுத்தியலால் அடித்துக் கொன்று… விபத்தென நாடகமாடிய கொடூர தந்தை, சகோதரன்… குஜராத்தை உலுக்கிய பகீர் சம்பவம்…!

குஜராத்தின் சர்கேஜ் பகுதியைச் சேர்ந்த 22 வயதான சோபியா பாரூக் என்ற பெண், தனது ஆண் நண்பருடன் இருக்கும் வீடியோ இணையத்தில் பரவியதால், குடும்பத்தின் “கௌரவத்தைக் காப்பாற்ற” தந்தை மற்றும் சகோதரரால் படுகொலை செய்யப்பட்டுள்ளார். அகமதாபாத் சர்கேஜ் பகுதியில் இரும்புப் பட்டறை தொழில் செய்து வரும் முகமது பாரூக் (56) மற்றும் ஹபீல் பாரூக் (38) ஆகிய இருவருமே இந்த கொடூர சம்பவத்தில் ஈடுபட்ட குற்றவாளிகள் என காவல்துறை அடையாளம் கண்டுள்ளது. மருத்துவமனையில் வரவேற்பாளராகப் பணியாற்றி வந்த சோபியாவை, ஒதுக்குப்புறமான இடத்திற்கு அழைத்துச் சென்று இந்தத் தாக்குதலை அவர்கள் நடத்தியுள்ளனர்.

கடந்த ஆகஸ்ட் 12 அன்று இரவு, மோட்டார் சைக்கிளில் சென்றபோது அடையாளம் தெரியாத வாகனம் மோதி சோபியா பலத்த காயமடைந்ததாகக் கூறி, அவரது சகோதரர் நாடகமாடியுள்ளார். தலையின் பின்புறம் மற்றும் கால்களில் பலத்த காயங்களுடன் சோலா சிவில் மருத்துவமனையில் சேர்க்கப்பட்ட சோபியா, ஆகஸ்ட் 13 அன்று சிகிச்சை பலனின்றி உயிரிழந்தார். ஆரம்பத்தில் இது வீதி விபத்து என நம்பப்பட்ட நிலையில், காவல்துறையின் தீவிர விசாரணையில், தங்களை திசைதிருப்பவே இந்த பொய்யான விபத்து கதையை அவர்கள் உருவாக்கியது வெளிச்சத்திற்கு வந்தது.

வீடியோ வைரலானதைத் தொடர்ந்து சோபியாவை எச்சரித்த குடும்பத்தினர், அவர் தொடர்ந்து மற்ற ஆண்களுடன் பேசியதால் ஆத்திரமடைந்து இக்கொலையைத் திட்டமிட்டுள்ளனர். சர்கேஜ் அருகே உள்ள கேல்ஜிபுரா என்ற அமைதியான இடத்திற்கு அழைத்துச் சென்று, சகோதரன் ஹபீல் தான் மறைத்து வைத்திருந்த சுத்தியலால் சோபியாவின் தலையில் மூன்று முறை தாக்கியுள்ளார்; தந்தை பாரூக் இதற்கு உடந்தையாக இருந்துள்ளார். பின்னர், உடலை பொதுச் சாலைக்குக் கொண்டு வந்து விபத்து போல் சித்தரித்த இச்சம்பவத்தில், தந்தை மற்றும் மகன் இருவர் மீதும் தற்போது கொலை வழக்குப் பதிவு செய்யப்பட்டுள்ளது.