இந்தியாவிற்குள் நுழைந்ததா அடுத்த கொடூர வைரஸ்?.. பெங்களூருவில் எபோலா வைரஸ் பீதி? உகாண்டா நாட்டுப் பெண்ணுக்கு நேர்ந்த கொடூரம்… பதறும் மக்கள்..!!

மத்திய ஆப்பிரிக்காவின் சில பகுதிகளில் எபோலா வைரஸ் நோய் பரவல் தீவிரமடைந்து வருவதைத் தொடர்ந்து, உலக சுகாதார அமைப்பு (WHO) இதனை சர்வதேச முக்கியத்துவம் வாய்ந்த பொது சுகாதார அவசர நிலையாக (PHEIC) அறிவித்துள்ளது. இந்த உலகளாவிய எச்சரிக்கையைத் தொடர்ந்து, இந்திய மத்திய அரசு நாடு முழுவதும் எபோலா வைரஸ் தொடர்பான கண்காணிப்பு மற்றும் தயார் நிலை நடவடிக்கைகளை முடுக்கிவிட்டுள்ளது. குறிப்பாக, சர்வதேச விமான நிலையங்களில் மருத்துவப் பரிசோதனைகள் மற்றும் தடுப்பு நடவடிக்கைகள் பலமடங்கு தீவிரப்படுத்தப்பட்டுள்ளன. மேலும், எபோலா வைரஸின் தாக்கம் அதிகமாக உள்ள காங்கோ, உகாண்டா மற்றும் தெற்கு சூடான் ஆகிய நாடுகளுக்கு இந்தியக் குடிமக்கள் யாரும் அத்தியாவசியமற்ற பயணங்களை மேற்கொள்வதைத் தவிர்க்க வேண்டும் என்றும் மத்திய அரசு அவசர அறிவுறுத்தலை வழங்கியுள்ளது.

இந்தச் சூழலில், கர்நாடக மாநிலம் பெங்களூருக்கு வந்த உகாண்டா நாட்டைச் சேர்ந்த 28 வயதுடைய இளம்பெண் ஒருவருக்கு எபோலா வைரஸ் தொற்றுக்கான அறிகுறிகள் இருப்பது கண்டறியப்பட்டுள்ளது பெரும் பரபரப்பை ஏற்படுத்தியுள்ளது. உகாண்டாவின் கம்பாலா பகுதியைச் சேர்ந்த அந்தப் பெண், பெங்களூரில் உள்ள ஒரு தனியார் ஓட்டலில் தங்கியிருந்த போது அவருக்கு இந்த நோய் அறிகுறிகள் தென்பட்டுள்ளன. இதையடுத்து, உடனடியாக விரைந்து செயல்பட்ட சுகாதாரத்துறை அதிகாரிகள், அந்தப் பெண்ணை ஓட்டலில் இருந்து மீட்டுத் தனிமைப்படுத்தப்பட்ட வார்டில் அனுமதித்து, தீவிரக் கண்காணிப்பில் வைத்துச் சிகிச்சை அளித்து வருகின்றனர்.

தற்போது அந்தப் பெண்ணின் ரத்த மாதிரிகள் முழுமையாகச் சேகரிக்கப்பட்டு, எபோலா பாதிப்பு இருப்பதை உறுதி செய்வதற்காகப் புனேவில் உள்ள தேசிய வைரலாஜி நிறுவனத்திற்கு (NIV) அவசரமாக அனுப்பி வைக்கப்பட்டுள்ளன. ஆய்வக முடிவுகள் இன்னும் வராத நிலையில், முன்னெச்சரிக்கை நடவடிக்கையாகச் சுகாதாரத்துறை அதிகாரிகள் அப்பெண்ணைத் தொடர்ந்து கண்காணித்து வருகின்றனர். மேலும், அவர் பெங்களூரு வந்திறங்கியது முதல் ஓட்டலுக்குச் சென்றது வரை, கடந்த சில நாட்களாக யார் யாருடன் தொடர்பில் இருந்தார், எந்தெந்த இடங்களுக்குச் சென்றார் என்பது குறித்தும், அவருடன் தொடர்பில் இருந்த நபர்களைக் கண்டறியும் பணியிலும் அதிகாரிகள் தீவிர விசாரணையைத் தொடங்கியுள்ளனர்.