மணப்பெண்களுக்கு 8 கிராம் தங்கம் + பட்டுச்சேலை.. தவெக-வின் புதிய அதிரடித் திட்டம் விரைவில் தொடக்கம்…!!

தமிழக வெற்றிக் கழகத்தின் (தவெக) தலைவர் விஜய், வரவிருக்கும் சட்டமன்றத் தேர்தலை முன்னிட்டு கட்சியின் அதிகாரப்பூர்வ தேர்தல் அறிக்கையை வெளியிட்டுள்ளார். இதில் பெண்களின் முன்னேற்றம் மற்றும் பொருளாதார மேம்பாட்டிற்கு முக்கியத்துவம் அளிக்கும் வகையில் பல்வேறு கவர்ச்சிகரமான வாக்குறுதிகள் அளிக்கப்பட்டுள்ளன. குறிப்பாக, ஏழை எளிய குடும்பங்களைச் சேர்ந்த பெண்களுக்குத் திருமணக் சுமையைக் குறைக்கும் வகையில் புதிய நலத்திட்டங்கள் அறிவிக்கப்பட்டுள்ளன.

இந்தத் தேர்தல் அறிக்கையின் முக்கிய அம்சமாக, பொருளாதார ரீதியாகப் பின்தங்கிய இளம் பெண்களின் திருமணத்திற்கு 1 சவரன் (8 கிராம்) தங்க நாணயம் மற்றும் ஒரு பட்டுச்சேலை தவெக அரசால் இலவசமாக வழங்கப்படும் என்று அறிவிக்கப்பட்டுள்ளது. ஏழைக் குடும்பங்களின் திருமணச் செலவுகளைப் பெருமளவில் குறைத்து, மணப்பெண்களுக்குப் பொருளாதாரப் பாதுகாப்பை வழங்குவதை நோக்கமாகக் கொண்டு இந்தத் திட்டம் வடிவமைக்கப்பட்டுள்ளது.

இத்துடன் தவெக தேர்தல் அறிக்கையில் பெண்களுக்கு மேலும் பல முக்கிய வாக்குறுதிகள் அளிக்கப்பட்டுள்ளன. அதன்படி, 60 வயதிற்குட்பட்ட பெண்களுக்கு மாதம் 2,500 ரூபாய் நிதியுதவி, ஆண்டுக்கு 6 இலவச சமையல் எரிவாயு சிலிண்டர்கள், பிறக்கும் குழந்தைகளுக்குத் தங்க மோதிரம் மற்றும் பெண்களின் சுய உதவிக்குழுக்களுக்கு 5 லட்சம் ரூபாய் வரை வட்டி இல்லாக் கடன் போன்ற பல்வேறு அதிரடி மாற்றங்களை உள்ளடக்கிய திட்டங்கள் தவெக ஆட்சிக்கு வந்தவுடன் செயல்படுத்தப்படும் எனத் தெரிவிக்கப்பட்டுள்ளது.