“புருஷன் கூட இருக்கும் போதே இப்படியா?”…. பேருந்தில் புதுமணப் பெண்ணிற்கு நேர்ந்த கொடூரம்… மதுபோதையில் எல்லை மீறிய வாலிபர்…. அடுத்து நடந்த அந்த ஒரு சம்பவம்…!

சென்னை கிளாம்பாக்கம் பேருந்து நிலையத்தில் புதுமணப் பெண்ணிற்கு நேர்ந்த பாலியல் தொல்லை மற்றும் அதைத் தொடர்ந்து ஏற்பட்ட கைகலப்பு சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது. சென்னை போரூர் பகுதியைச் சேர்ந்த புதுமண தம்பதியினர், நேற்று தங்கள் உறவினர் வீட்டிற்குச் செல்வதற்காக மாநகர பேருந்து மூலம் கிளாம்பாக்கம் நோக்கிப் பயணம் செய்துள்ளனர். அங்கிருந்து அவர்கள் அச்சரப்பாக்கம் செல்ல திட்டமிட்டிருந்த நிலையில், அதே பேருந்தில் பயணம் செய்த 23 வயதுடைய பாலா என்ற வாலிபர் இவர்களது பயணத்தில் பெரும் இடையூறாக மாறியுள்ளார்.

அதீத மதுபோதையில் இருந்த அந்த வாலிபர், பேருந்தில் ஏறிய சிறிது நேரத்திலேயே புதுமணப் பெண்ணை நோக்கித் தொடர்ந்து ஆபாசமாகப் பேசுவதும், கிண்டல் செய்வதும், அநாகரிகமாக நடந்துகொள்வதுமாக இருந்துள்ளார். உறவினர் வீட்டிற்குச் செல்லும் வழியில் எந்தப் பிரச்சினையும் வேண்டாம் என்று கருதி அந்த தம்பதியினர் அமைதி காத்துள்ளனர். இருப்பினும், பொதுமக்களின் முன்னிலையிலேயே அந்த வாலிபர் அநாகரீகமான பாலியல் செயல்களில் ஈடுபட்டது அத்தம்பதியினருக்கு கடும் அதிர்ச்சியை அளித்துள்ளது. பேருந்து கிளாம்பாக்கம் வந்தடைந்த பின்னரும், அந்த வாலிபர் விடாமல் தொடர்ந்து அந்தப் பெண்ணை ஆபாச வார்த்தைகளால் வம்பிழுத்ததாகக் கூறப்படுகிறது.

இதனால் பொறுமையிழந்த பெண்ணின் கணவர் ஹரி பிரகாஷ், பாலாவின் செயலைக் கண்டித்துத் தட்டிக்கேட்டுள்ளார். இதன் காரணமாக இருவருக்கும் இடையே கடுமையான வாக்குவாதம் ஏற்பட்டு, அது பின்னர் கைகலப்பாக மாறியது. பொது இடமான பேருந்து நிலையத்தில் இருவரும் ஒருவரை ஒருவர் தாக்கிக்கொண்டதால் அங்கு சிறிது நேரம் பதற்றமான சூழல் நிலவியது. இதனைத் தொடர்ந்து, தன்னை ஆபாசமாகப் பேசி அவமதித்ததோடு, தட்டிக்கேட்ட தனது கணவரையும் தாக்கிய போதை வாலிபர் மீது கடுமையான நடவடிக்கை எடுக்க வேண்டும் என அந்தப் பெண் கிளாம்பாக்கம் காவல் நிலையத்தில் புகார் அளித்தார்.

இப்புகாரின் பேரில் உடனடியாக வழக்குப் பதிவு செய்த போலீசார், பாலாவை கைது செய்து தீவிர விசாரணை நடத்தி வருகின்றனர். கணவர் அருகில் இருந்த நிலையிலும், பொதுப் போக்குவரத்தில் பெண்ணிற்கு நேர்ந்த இந்த ஆபாசத் தொல்லை சமூக ஆர்வலர்கள் மத்தியில் பெரும் கொந்தளிப்பை ஏற்படுத்தியுள்ளது. பெண்களின் பாதுகாப்பை உறுதி செய்யும் வகையில், பொதுமக்கள் அதிகம் கூடும் பேருந்துகள் மற்றும் பேருந்து நிலையங்களில் கண்காணிப்பை தீவிரப்படுத்த வேண்டும் என்றும், இதுபோன்ற அத்துமீறல்களில் ஈடுபடுவோர் மீது சட்டப்படி கடுமையான நடவடிக்கை எடுக்க வேண்டும் என்றும் சமூக ஆர்வலர்கள் வலியுறுத்துகின்றனர்.