நாகப்பட்டினத்தில் ஒரே நாளில் அடுத்தடுத்து அரங்கேறியுள்ள இரண்டு கொலை சம்பவங்கள் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளன. நாகை பழைய பேருந்து நிலையம் அருகிலுள்ள ரயில்வே குட்செட் பகுதியில் சுமார் 40 வயது மதிக்கத்தக்க ஆண் ஒருவரும், நாகை அரசு தலைமை மருத்துவமனை வளாகத்தில் சுமார் 35 வயது மதிக்கத்தக்க பெண் ஒருவரும் காயங்களுடன் சடலமாக மீட்கப்பட்டனர். இந்த இரட்டை மரணங்கள் குறித்து தகவல் அறிந்த காவல்துறையினர், உடல்களைக் கைப்பற்றி பிரேதப் பரிசோதனைக்காக நாகப்பட்டினம் ஒரத்தூர் மருத்துவக் கல்லூரி மருத்துவமனைக்கு அனுப்பி வைத்துள்ளனர்.
முதற்கட்ட விசாரணையில், ரயில் நிலைய பகுதியில் கொலை செய்யப்பட்டவர் அக்கரைப்பேட்டையைச் சேர்ந்த அருண்குமார் (40) என்பது தெரியவந்தது. கேரளாவில் மீன்பிடி தொழில் செய்து வந்த இவர், தாயாரின் மறைவுக்காக ஊருக்கு வந்திருந்த நிலையில் சடலமாக கண்டெடுக்கப்பட்டுள்ளார். அதேபோல், மருத்துவமனை வளாகத்தில் கல்லால் அடித்துக் கொலை செய்யப்பட்ட நிலையில் மீட்கப்பட்ட பெண், கீழ்வேளூரைச் சேர்ந்த சித்ரா (35) என அடையாளம் காணப்பட்டுள்ளார். இவர் கடந்த 10 ஆண்டுகளாக கணவரைப் பிரிந்து பேருந்து நிலையப் பகுதிகளில் சுற்றித் திரிந்ததாகக் கூறப்படுகிறது.
ஒரே நாளில் அடுத்தடுத்து நிகழ்ந்த இந்த இரண்டு கொலைகளுக்கும் இடையே ஏதேனும் தொடர்பு இருக்கிறதா என்ற கோணத்தில் மாவட்ட காவல் கண்காணிப்பாளர் சுஜித் மற்றும் டி.எஸ்.பி ராமச்சந்திர மூர்த்தி தலைமையிலான போலீசார் தீவிர விசாரணை நடத்தி வருகின்றனர். சம்பவ இடங்களில் உள்ள சிசிடிவி (CCTV) கேமரா பதிவுகளை ஆய்வு செய்து வரும் வெளிப்பாளையம் மற்றும் நாகை நகர போலீசார், கொலையாளிகளைப் பிடிக்க தனிப்படைகள் அமைத்து தேடுதல் வேட்டையில் ஈடுபட்டுள்ளனர். அடுத்தடுத்த இந்த மரணங்கள் நாகை பொதுமக்களிடையே அச்சத்தை ஏற்படுத்தியுள்ளது.
உத்தரப் பிரதேச மாநிலம் கோண்டாவில், மாமியாரின் இறுதிச் சடங்குகளை முடித்துவிட்டு ஆற்றங்கரையில் முகம் கழுவச் சென்ற மருமகனை ராட்சத முதலை…
அசாம் மாநிலம் திப்ருகரில் ஆன்லைன் விளையாட்டில் ரூ.4 லட்சம் பணத்தை இழந்த வாடகைதாரர் ஒருவர், தனது கடனை அடைப்பதற்காக வீட்டின்…
மகாராஷ்டிர மாநிலம் சத்ரபதி சம்பாஜிநகர் மாவட்டத்திலுள்ள பைதான் பகுதியில், பெற்ற தந்தையே தனது இரண்டு மகன்களைக் கால்வாயில் வீசிய கொடூரச்…
அமெரிக்காவின் புளோரிடா மாகாணத்தில் உள்ள பள்ளியில் தற்காலிக ஆசிரியராகப் பணியாற்றிய மியா அசெவெடோ கல்லார்டோ (20) என்பவர், 17 வயது…
பீகார் மாநிலம் பெட்டியாவில் பட்டப்பகலில் பிரபல நகைக்கடைக்குள் துப்பாக்கியுடன் புகுந்த 6 முதல் 8 பேர் கொண்ட மர்ம கும்பல்,…
திருநெல்வேலி மாவட்டம் முன்னீர்பள்ளம் பகுதியில் 80 வயது மூதாட்டி ஒருவர் நவம்பர் 16-ஆம் தேதி அதிகாலை 5.45 மணியளவில் இயற்கை…