இப்டி தான் எடுக்கணும்.. 5 நாளா அந்த பாட்ட எடுக்க பாடாய் படுதிருச்சி அந்த பொண்ணு.. ரீமாசென் குறித்து இயக்குனர் சரண் ஓபன் டாக்..

தமிழ் சினிமாவில் காதல் மன்னன், அமர்க்களம், ஜெமினி, ஜெ ஜெ மற்றும் வசூல்ராஜா எம்பிபிஎஸ் உள்ளிட்ட பல வெற்றி திரைப்படங்களை இயக்கியவர் தான் இயக்குனர் சரண். இவர் எத்தனையோ சூப்பர் ஹிட் திரைப்படங்களை சினிமாவிற்கு இயக்கி இருந்தாலும் இவரது இயக்கத்தில் கடந்த 2003 ஆம் ஆண்டு வெளியான ஜேஜே திரைப்படத்தை கொண்டாடுவதற்கு தனி ஒரு ரசிகர்கள் பட்டாளமே உள்ளது. தமிழ் சினிமாவில் இதுவரை வெளியான காதல் திரைப்படங்களில் தனித்துவமான கதைக்களத்தை கொண்ட ஒரு எவர்கிரீன் லவ் ஸ்டோரி படமாக இன்று வரை ஜேஜே திரைப்படம் கொண்டாடப்பட்டு வருகிறது.

இயக்குனர் சரண் இயக்கத்தில் நடிகர் மாதவன் நடித்த ஜே ஜே திரைப்படம் வெளியாகி சுமார் 20 ஆண்டுகள் நிறைவடைந்துள்ளது. இந்த திரைப்படத்தில் மாதவனுக்கு ஜோடியாக நிஷா கோத்தாரி நடித்திருந்தார். வித்தியாசமான காதல் கதையுடன் வெளியான இந்த திரைப்படத்தை ரசிகர்கள் கொண்டாடி வரும் நிலையில் ஒரு காட்சியில் மாதவன் ரயிலில் சென்று கொண்டிருக்கும்போது ரீமாசென் மே மாதம் 98ல் மேஜர் ஆனேனே என்ற பாடலுக்கு நடனமாடி இருப்பார். அதற்குப் பின்னால் ஒரு கதையே உள்ளதாக இயக்குனர் சரண் சில தகவல்களை பகிர்ந்து உள்ள நிலையில் தற்போது அந்த வீடியோ வைரலாகி வருகிறது.

அதாவது அந்த பாட்டிற்கு நடனமாடும் போது ரீமாசென் பல கண்டிஷன் போட்டதாகவும், விசாகப்பட்டினத்தில் இதன் படப்பிடிப்பு நடக்கும் போது ஒவ்வொரு ரயிலும் வந்து செல்லும்போது குறிப்பிட்ட இடைவேளையில் அந்த காட்சிகள் பாடலாக எடுக்கப்பட்டதாகவும் கூறியுள்ளார். அதுமட்டுமல்லாமல் ரீமாசென் ஏன் இந்த இடத்தில் இப்படி நடனம் ஆடனும் ,ஹிப் தெரியக்கூடாது என்று பலவிதமான கண்டிஷன்களை போட்டுள்ளார். அந்தப் பாடலை எடுத்து முடிக்கவே மிகவும் சிரமமாக இருந்தது. சுமார் ஐந்து நாட்கள் விசாகப்பட்டினம் ரயில்வே நிலையத்தில் இதன் சூட்டிங் நடைபெற்றதாக இயக்குனர் சரன் கூறியுள்ளார். தற்போது அந்த வீடியோ வைரல் ஆகி வருகிறது.