ராஜஸ்தான் மாநிலம் ஜோத்பூரில் உள்ள மாண்டோர் சிறைச்சாலையில், கொலை வழக்கிற்காக ஆயுள் தண்டனை அனுபவித்து வரும் இரு கைதிகளுக்கு இடையே சிறை வளாகத்திலேயே திருமணம் செய்து கொள்ள நீதிமன்றம் அனுமதி வழங்கியுள்ளது. ஜோத்பூரைச் சேர்ந்த மூலாராம் (33) என்பவர் அண்டை வீட்டாரைக் கொலை செய்த வழக்கிலும், மும்பையைச் சேர்ந்த சீமா காட்ஸே (31) என்பவர் தனது கணவரைக் கொலை செய்த வழக்கிலும் 2019 முதல் ஆயுள் தண்டனை பெற்று இதே சிறையில் அடைக்கப்பட்டுள்ளனர். சிறை வளாகத்தில் விவசாயம் போன்ற அன்றாடப் பணிகளில் ஈடுபட்டபோது இருவருக்கும் இடையே ஏற்பட்ட பழக்கம், நாளடைவில் காதலாக மலர்ந்தது. இதனைத் தொடர்ந்து, தங்களது திருமணத்திற்கு அனுமதி கோரி இந்த காதல் ஜோடி ராஜஸ்தான் உயர் நீதிமன்றத்தை நாடியது.
இந்த மனுவை விசாரித்த உயர் நீதிமன்றம், இந்திய அரசியலமைப்புச் சட்டத்தின் 21-வது பிரிவின்படி, திருமணம் செய்து கொள்வது என்பது ஒவ்வொரு மனிதனின் வாழ்வுரிமை மற்றும் தனிநபர் சுதந்திரத்தின் ஒரு பகுதியாகும் என்று சுட்டிக்காட்டி இவர்களின் திருமணத்திற்குப் பச்சைக்கொடி காட்டியது. அதன்படி, மாண்டோர் சிறை வளாகத்திற்குள்ளேயே இவர்களது திருமணத்தை நடத்த அனுமதி அளிக்கப்பட்டுள்ளது. மேலும், இந்த திருமண நிகழ்வில் பூசாரி மற்றும் இருதரப்பு நெருங்கிய குடும்ப உறுப்பினர்கள் உட்பட அதிகபட்சமாக 21 பேர் மட்டுமே பங்கேற்க வேண்டும் என்றும், திருமணத்திற்கான முழுச் செலவுகளையும் மணமகன் மூலாராமே ஏற்க வேண்டும் என்றும் நீதிமன்றம் நிபந்தனைகளை விதித்து உத்தரவிட்டுள்ளது.
நடக்க முடியாத தனது மாமனாரை மருமகள் ஒருவர் தன் தோளில் சுமந்து செல்லும் நெகிழ்ச்சியான வீடியோ காட்சி தற்போது இணையத்தில்…
திருவாரூர் மாவட்டம் திருத்துறைப்பூண்டியில் உள்ள தனியார் பள்ளியில், மூன்று வயது ப்ரீ-கேஜி மாணவன் ஆசிரியர் மற்றும் பள்ளி உதவியாளரால் தாக்கப்பட்ட…
மேற்கு வங்க மாநிலம் ஜார்கிராம் பகுதியைச் சேர்ந்த பிரபல பாம்பு பிடிப்பவரான ‘சர்பபந்து’ என்பவர், செவ்வாய்க்கிழமை இரவு நடைபெற்ற மானசா…
ஆசை வார்த்தை கூறி சிறுமியைப் பாலியல் வன்கொடுமை செய்து கர்ப்பமாக்கிய 55 வயது முதியவருக்கு, போக்சோ சிறப்பு நீதிமன்றம் கடுமையான…
மகாராஷ்டிரா மாநிலம் கோண்டியா மாவட்டத்தில் உள்ள வனப்பகுதியில் 35 வயதான வர்ஷா துர்கர் என்ற விமான நிறுவன ஊழியர் கொலை…
உத்தரப் பிரதேச மாநிலம் கான்பூரில் உள்ள சகேரி காவல் நிலைய எல்லைக்குட்பட்ட பகுதியில், மனிதநேயமற்ற அலட்சியத்தால் ஒரு துயரச் சம்பவம்…