திருப்பூர் அவினாசிபாளையம் பகுதியில் செல்போன் கொடுக்கல் வாங்கல் தகராறில் 12 ஆம் வகுப்பு மாணவன் கல்லூரி மாணவரை பட்டப்பகலில் கத்தியால் குத்தி படுகொலை செய்த சம்பவம் அப்பகுதியில் பெரும் அதிர்வலைகளை ஏற்படுத்தியுள்ளது. திருப்பூரில் உள்ள தனியார் கல்லூரியில் முதலாம் ஆண்டு படித்து வந்த 19 வயதுடைய ஸ்ரீஹரி என்பவர், தனது பாட்டியுடன் வசித்து வந்துள்ளார். சம்பவத்தன்று மதியம் அவரது வீட்டிற்கு வந்த 16 வயதுடைய பள்ளி மாணவன், தனியாக பேச வேண்டும் என்று கூறி ஸ்ரீஹரியை வெளியே அழைத்துச் சென்றுள்ளான்.
வீட்டுக்கு அருகில் உள்ள நடுரோட்டில் வைத்து இருவரும் பேசிக்கொண்டிருந்தபோது திடீரென பலத்த அலறல் சத்தம் கேட்டுள்ளது. ஓடிவந்து பார்த்த அக்கம் பக்கத்தினருக்கு ஸ்ரீஹரி கை மற்றும் கால்களில் வெட்டுக்காயங்களுடன் ரத்த வெள்ளத்தில் உயிருக்கு போராடிக்கொண்டிருந்தது தெரியவந்துள்ளது. உடனடியாக அவரை மீட்டு அருகில் உள்ள மருத்துவமனைக்கு கொண்டு சென்றனர். ஆனால், மருத்துவமனைக்கு செல்லும் வழியிலேயே அவர் பரிதாபமாக உயிரிழந்துவிட்டதாக மருத்துவர்கள் தெரிவித்துள்ளனர்.
இந்தக் கொடூர சம்பவம் குறித்து வழக்குப் பதிவு செய்த அவினாசிபாளையம் காவல்துறையினர் தீவிர விசாரணை மேற்கொண்டனர். விசாரணையில், ஸ்ரீஹரியிடம் அந்த சிறுவன் சில நாட்களுக்கு முன்பு பணம் கொடுத்து செல்போன் ஒன்றை வாங்கியதும், அது பழுதடைந்ததால் பணத்தைத் திருப்பிக் கேட்டபோது ஸ்ரீஹரி தர மறுத்ததும் தெரியவந்துள்ளது. இதனால் ஏற்பட்ட ஆத்திரத்தில்தான் சிறுவன் மறைத்து வைத்திருந்த கத்தியால் ஸ்ரீஹரியை சரமாரியாக வெட்டிக் கொலை செய்துள்ளான் என்பது விசாரணையில் அம்பலமாகியுள்ளது.
பட்டப்பகலில் நடுரோட்டில் நடந்த இந்த படுகொலை சம்பவம் திருப்பூர் மக்களிடையே மிகுந்த அச்சத்தையும் பரபரப்பையும் ஏற்படுத்தியுள்ளது. செல்போன் தகராறு போன்ற சிறிய விஷயத்திற்காக பள்ளி மாணவன் ஒருவனே கொடூரக் கொலையில் ஈடுபட்டுள்ளமை இன்றைய இளைய தலைமுறையினர் மத்தியில் அதிகரித்து வரும் வன்முறைப் போக்கையும், நல்வழிப்படுத்த வேண்டிய அவசியத்தையும் சுட்டிக்காட்டுவதாக சமூக ஆர்வலர்கள் கவலை தெரிவித்துள்ளனர்.
சேலம் பள்ளப்பட்டி சின்னேரி வயக்காடு பகுதியைச் சேர்ந்த வெள்ளி வியாபாரி பாலசுப்பிரமணி என்பவரது பட்டறையில், கடந்த சில நாட்களுக்கு முன்பு…
தேசிய அளவிலான அவசரநிலைகள் அல்லது பேரிடர்களை எதிர்கொள்ளும் வகையில், பிரித்தானிய குடிமக்கள் தங்களுக்குத் தேவையான உணவு மற்றும் குடிநீரை குறைந்தபட்சம்…
இந்தியாவின் உத்தரகாண்ட் மாநிலத்தில் உள்ள மலைக்கிராமப் பகுதியான சக்ராத்தாவைச் சேர்ந்த ஷர்மிளா என்ற மணப்பெண்ணுக்கும், அனில் என்பவருக்கும் அண்மையில் திருமணம்…
பீகார் மாநிலத்தைச் சேர்ந்த லால்டி தேவி என்ற பெண் மீன் சாப்பிட்டபோது எதிர்பாராதவிதமாக தொண்டையில் முள் சிக்கியது. தீவிர சிகிச்சை…
பஞ்சாப் மாநிலத்தில் போதைப்பொருள் பழக்கத்தின் தீவிரம் நாளுக்கு நாள் அதிகரித்து வரும் வேளையில், கபூர்தலாவைச் சேர்ந்த 10 வயது சிறுவன்…
இந்தியக் குடிமக்கள் மற்றும் இந்தியாவில் வசிக்கும் வெளிநாட்டினர் வைத்திருக்கும் ஓட்டுநர் உரிமங்களை எளிதில் அடையாளம் காணும் வகையில், இரு தரப்பினருக்கும்…