“காலேஜுக்கே சரியா வரல, அட்டனன்ஸ் கம்மியா இருக்கு”… வீட்டுக்கு வா நான் பாத்துக்குறேன்… கல்லூரி மாணவியை தனியாக அழைத்து பேராசிரியர் செய்த கொடூரம்…!

கர்நாடக மாநிலம் பெங்களூரில் உள்ள தனியார் கல்லூரி ஒன்றில் 20 வயது மாணவி ஒருவர் BCA இறுதியாண்டு படித்து வந்துள்ளார். அந்த கல்லூரியில் பேராசிரியராக சஞ்சீவ் குமார் மண்டல் (45) என்பவர் பணியாற்றி வந்த நிலையில் BCA பிரிவின் தலைவராகவும் இருந்துள்ளார். இதனிடையே மாணவி சரியாக கல்லூரிக்கு வராததால் அவருடைய வருகை பதிவு குறைவாக இருந்துள்ளது. இந்த விவகாரம் குறித்து பேசுவதற்கும் தன் வீட்டில் சாப்பிட வரும்படியும் மாணவிக்கு சஞ்சீவ் குமார் அழைப்பு விடுத்துள்ளார். இதனைத் தொடர்ந்து சஞ்சீவ் குமார் வீட்டுக்கு மாணவி சென்றுள்ளார். ஆனால் அங்கு பேராசிரியர்யின் குடும்பத்தினர் யாரும் இல்லை. அவர் மட்டுமே வீட்டில் தனியாக இருந்துள்ளார்.

இதனால் முதலில் வீட்டுக்குள் செல்ல மாணவி மறுத்த நிலையில் அவரை கட்டாயப்படுத்தி சஞ்சீவ் குமார் வீட்டுக்குள் அழைத்துச் சென்றுள்ளார். பிறகு வருகை பதிவு மிகவும் குறைவாக உள்ளதாகவும் அந்த பிரச்சனையை தான் சரி செய்து கொடுப்பதாகவும் மாணவியிடம் கூறியுள்ளார். இதற்காக தான் சொல்லும்படி கேட்டு நடந்து கொள்ள வேண்டும் என்றும் கூறி அவருக்கு பாலியல் தொல்லை கொடுத்துள்ளார்.

இந்த சமயத்தில் மாணவியை அவருடைய தோழி ஒருவர் செல்போனில் தொடர்பு கொண்டு உள்ளார். இதனால் தனக்கு அவசரமாக அழைப்பு வந்துள்ளதாகவும் உடனே தான் இங்கிருந்து புறப்பட வேண்டும் என்று கூறிவிட்டு மாணவி வீட்டில் இருந்து வெளியே வந்து விட்டார். பிறகு தனக்கு நடந்த சம்பவம் குறித்து பெற்றோர் மற்றும் சக மாணவிகளிடம் கூறிய நிலையில் உடனே போலீசில் புகார் அளிக்கப்பட்டது. இதனைத் தொடர்ந்து வழக்குப்பதிவு செய்த போலீசார் பேராசிரியரை கைது செய்த விசாரித்து வருகிறார்கள்