FLASH NEWS: தமிழகத்தில் இடைத்தேர்தல் எப்போது…? பரபரப்பு அறிவிப்பு…!!

தமிழகத்தில் காலியாக உள்ள 7 சட்டமன்றத் தொகுதிகளுக்கு இடைத்தேர்தல் நடத்துவது குறித்து இந்தியத் தலைமைத் தேர்தல் ஆணையர் ஞானேஷ் குமார் முக்கிய விளக்கமளித்துள்ளார். டெல்லியில் செய்தியாளர்களைச் சந்தித்த அவர், தமிழ்நாட்டில் காலியாக உள்ள இந்தத் தொகுதிகளில் இடைத்தேர்தல் நடத்துவதற்கு இன்னும் 6 மாத கால அவகாசம் இருப்பதாகத் தெரிவித்தார். மேலும், தமிழகத்தில் இடைத்தேர்தலை நடத்துவதற்கு எதிராகப் பல்வேறு வழக்குகள் நீதிமன்றங்களில் நிலுவையில் உள்ளதை அவர் சுட்டிக்காட்டினார்.

நீதிமன்றத்தில் நிலுவையில் இருக்கும் இந்த வழக்குகளின் தீர்ப்பைப் பொறுத்துத்தான் இடைத்தேர்தல் தேதியை இறுதி செய்ய முடியும் என்று ஆணையர் திட்டவட்டமாகக் கூறினார். சட்டச் சிக்கல்கள் மற்றும் நீதிமன்ற உத்தரவுகளின் அடிப்படையில் மட்டுமே அடுத்தகட்ட நடவடிக்கை எடுக்கப்படும் என்பதால், தீர்ப்பு வெளியான பின்னரே தமிழகத்திற்கான இடைத்தேர்தல் தேதி அதிகாரப்பூர்வமாக அறிவிக்கப்படும் என்றும் அவர் தெளிவுபடுத்தியுள்ளார்.