“அம்மா நீ எங்கே இருக்க..? வெளியே வா மா” ஆற்றுக்குள் மூழ்கிய பேருந்து விபத்தில் தப்பித்த சிறுவன்… கரையில் உட்கார்ந்து கதறியழுத காட்சி… நெஞ்சை உலுக்கும் வீடியோ..!!

வங்கதேசத்தில் பயணிகள் சென்ற பேருந்து ஒன்று எதிர்பாராதவிதமாக ஆற்றுக்குள் விழுந்து விபத்துக்குள்ளானது. இந்த கோர விபத்தில் 25 பேர் பரிதாபமாக உயிரிழந்தனர். ஆனால், இந்த மரண பிடியில் இருந்து ஒரு பச்சிளம் குழந்தை மட்டும் அதிசயமாக உயிர் பிழைத்துள்ளது. அந்த உயிர் பிழைப்பிற்குப் பின்னால் ஒரு தாயின் உன்னதமான தியாகம் ஒளிந்திருக்கிறது. பேருந்து ஆற்றுக்குள் மூழ்கிய அந்த இக்கட்டான தருணத்தில், உயிருக்குப் போராடிய தாய், தனது உயிரைப் பொருட்படுத்தாமல் தண்ணீருக்கு அடியிலிருந்து தனது குழந்தையை மட்டும் மேலே தள்ளிவிட்டுள்ளார். தாயின் அந்த கடைசி முயற்சியால் குழந்தை நீரின் மேற்பரப்பிற்கு வந்து கரை சேர்ந்துள்ளது. ஆனால், அந்த வீரத்தாய் மற்றவர்களுடன் நீருக்குள் மூழ்கி உயிரிழந்தார்.

ஆற்றின் கரையில் அமர்ந்து தனது தாய் எங்கே என்று தெரியாமல் அந்த குழந்தை அழுதுகொண்டிருக்கும் வீடியோ தற்போது சமூக வலைதளங்களில் வைரலாகி வருகிறது. இந்த வீடியோவைப் பார்த்த லட்சக்கணக்கான மக்கள் கண்ணீர் மல்க அந்தத் தாயின் தியாகத்தைப் போற்றி வருகின்றனர். மிகவும் சோகமான இந்த விபத்து, ஒரு தாயின் அன்பு மரணத்தை விடவும் வலிமையானது என்பதை உலகிற்கு உணர்த்தியுள்ளது.