CINEMA
‘இப்ப என்னடா சொல்றீங்க..? இதுவும் ஃபேக்கா..?’ விஜய் ரசிகர்களை வம்புக்கு இழுத்த ப்ளூ சட்டை மாறன்…!
தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் விஜய். இயக்குனர் லோகேஷ் கனகராஜ் இயக்கத்தில் தளபதியுடன் நடிகை திரிஷா நடித்து, ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தி வரும் படம், ‘லியோ’. இப்படத்தில் கவுதம் வாசுதேவ் மேனன், அர்ஜுன், மிஷ்கின், பிரியா ஆனந்த், மன்சூர் அலிகான், சஞ்சய் தத் உட்பட பலர் இதில் நடிக்கின்றனர். அனிருத் இசை அமைக்க , செவன் ஸ்கிரீன் நிறுவனம் படத்தைத் தயாரிக்கிறது. லியோ திரைப்படத்தின் படப்பிடிப்பு நிறைவடைந்து ரிலீசுக்கு தயாராக உள்ளது.
இத்திரைப்படம் வருகிற அக்டோபர் மாதம் 19-ஆம் தேதி திரைக்கு வர உள்ளது. இதைத்தொடர்ந்து பல்வேறு தடைகளை தாண்டி நேற்று லியோ திரைப்படத்தின் ட்ரைலர் வெளியிடப்படுவதாக கூறப்பட்டிருந்தது. அதன்படி லியோ திரைப்படத்தின் டிரைலர் சமூக வலைத்தளத்தில் மிகப்பெரிய சாதனைகளை படைத்திருக்கிறது. ஒரு மணி நேரத்தில் சுமார் ஒரு கோடி பார்வையாளர்கள் இந்த படத்தின் டிரைலரை பார்த்தனர். தற்போது லியோ திரைப்படத்தின் பிரீ ரிலீஸ் நிகழ்ச்சியை துபாயில் வரும் அக்டோபர் 12ஆம் தேதி நடந்த பட குழு திட்டமிட்டு இருக்கிறது. இதற்கான அதிகாரப்பூர்வ அறிவிப்பும் வெளியிடப்பட்டு, இதனை தளபதி ரசிகர்கள் கொண்டாடி வருகின்றனர்.
இந்நிலையில் லியோ திரைப்படத்துக்கு மீண்டும் ஒரு சிக்கல் எழுந்துள்ளது. அதாவது லியோ படத்தில் பெண்களை குறிவைத்து பல ஆபாச வசனங்கள் இடம்பெற்றுள்ளதால் சென்சார் படக்குழுவினர் மியூட் செய்திருப்பதாக காலையில் இருந்து ஒரு சென்சார் சர்டிபிகேட் வைரலாகி வந்த நிலையில், அது ஃபேக் சென்சார் விஜய் அப்படியெல்லாம் ஆபாசமாக பேச மாட்டார் என விஜய் ரசிகர்கள் கூறி வந்தனர். இந்நிலையில், லியோ படத்தின் டிரெய்லரிலேயே ‘தே’ எனும் வார்த்தையில் தொடங்கும் அந்த கெட்டவார்த்தையை விஜய் பேசியதை பார்த்த ப்ளூ சட்டை மாறன் ‘இதுவும் ஃபேக் டிரெய்லரா?’ என விஜய் ரசிகர்களை வம்புக்கு இழுத்து வருகிறார். இதோ அவரின் பதிவு…