“திருடிட்டேன்னு ஒத்துக்கோ!”… நாற்காலியில் கட்டி வைத்து அடித்து துவைத்த குடும்பம்… செருப்பால் அடித்தும் அடங்காத வெறி… பரிதாபமாக கதறிய பணிப்பெண்…!!

உத்தரப் பிரதேச மாநிலம் ஹர்தோய் மாவட்டத்தில் உள்ள நெக்ஸாரா காலனியில், திருட்டுப் பழி சுமத்தப்பட்டு வீட்டுப் பணிப்பெண் ஒருவர் கொடூரமாக சித்திரவதை செய்யப்பட்டுள்ளார். உபாசனா என்ற அந்தப் பெண்ணை நாற்காலியில் கட்டிப்போட்ட வீட்டு உரிமையாளர்கள் மற்றும் அவர்களது உறவினர்கள், செருப்பாலும் குச்சிகளாலும் ஈவிரக்கமின்றி அடித்துத் துன்புறுத்தியுள்ளனர். மேலும், தாக்குதலில் ஈடுபட்ட ஒரு பெண் உபாசனாவின் கழுத்தில் குச்சியை வைத்து நெரிக்கும் கொடூரமான செயலும் அரங்கேறியுள்ளது.

இந்தக் கொடூரத் தாக்குதல் தொடர்பான காணொளி சமூக வலைத்தளங்களில் வெளியாகி பெரும் அதிர்ச்சியை ஏற்படுத்தியுள்ளது. தான் செய்யாத குற்றத்தை ஒப்புக்கொள்ளுமாறு அவர்கள் தன்னை வற்புறுத்தித் தாக்கியதாகப் பாதிக்கப்பட்ட உபாசனா வேதனையுடன் தெரிவித்துள்ளார். இதுகுறித்து அவர் அளித்த புகாரின் அடிப்படையில், தாக்குதலில் ஈடுபட்ட ஐந்து பேர் மீது காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர்.