அடேய்… மராத்தி கத்துக்கோ… இல்லனா கெளம்பு… ரயிலுக்குள்ளேயே ஆட்டோவை ஏற்றித் தப்பியோட முயற்சி?… வைரல் வீடியோவால் வெடித்த சர்ச்சை… மகாராஷ்டிராவில் பரபரப்பு…!

மகாராஷ்டிராவில் ஆட்டோ மற்றும் டாக்ஸி ஓட்டுநர்களுக்கு மராத்தி மொழி அறிவு கட்டாயமாக்கப்பட்டுள்ள நிலையில், சமூக வலைத்தளங்களில் வைரலாகி வரும் ஒரு வீடியோ பெரிய விவாதத்தை ஏற்படுத்தியுள்ளது. அந்த வீடியோவில், சிலர் ஒரு ஆட்டோ ரிக்ஷாவை ரயிலின் லக்கேஜ் பெட்டிக்குள் பலவந்தமாகத் தள்ளி ஏற்ற முயல்வது போல் காட்சிகள் இடம்பெற்றுள்ளன. இந்த வீடியோவை சமூக வலைத்தளப் பயனர் ஒருவர் பகிர்ந்து, “RTO நடவடிக்கைக்கு பயந்து மராத்தி கற்க விரும்பாத ஓட்டுநர்கள் தங்கள் ஊருக்குத் தப்பியோடுகிறார்கள்” எனக் குறிப்பிட்டுள்ள பதிவு இணையத்தில் பேசுபொருளாகியுள்ளது.

இந்த வீடியோவின் உண்மை பின்னணி மற்றும் ஓட்டுநர்கள் உண்மையிலேயே தப்பியோடுகிறார்களா என்பது தனிப்பட்ட முறையில் உறுதிப்படுத்தப்படவில்லை என்றாலும், மாநில அரசின் தீவிர நடவடிக்கைக்கு மத்தியிலேயே இது வைரலாகியுள்ளது. மகாராஷ்டிர போக்குவரத்துத் துறை அதிகாரிகள் நடத்திய ஆய்வில், 1,430 ஓட்டுநர்களில் 422 பேருக்கு போதிய மராத்தி பேசும் திறன் இல்லாததால் அவர்களுக்குக் காரணம் கேட்கும் நோட்டீஸ் அனுப்பப்பட்டுள்ளது. குறிப்பிட்ட காலத்திற்குள் அடிப்படை மராத்தி கற்றுக்கொள்ளாவிட்டால் அவர்களின் உரிமம் ரத்து செய்யப்படும் அபாயமும் உள்ளது.

https://www.instagram.com/reel/DcReiMRCGx4/?utm_source=ig_web_button_share_sheet

இந்தச் சம்பவங்களின் பின்னணியில், “எல்லோரும் மராத்தி கற்றுக் கொள்ளுங்கள், ஓட வேண்டிய அவசியமில்லை; இங்கு சம்பாதிக்கும் போது உள்ளூர் மொழியைக் கற்றுக்கொள்வது நல்லது” என்ற கருத்துக்கள் இணையத்தில் பரவி வருகின்றன. அதேவேளையில், மொழி சார்ந்த இந்த அதிரடி நடவடிக்கைகள் மற்றும் கட்டுப்பாடுகள் வேற்று மாநில ஓட்டுநர்களிடையே பெரும் பரபரப்பையும் விவாதத்தையும் உருவாக்கியுள்ளன.