அவங்களாம் மனுசங்களா..! “3 மாத கருவோடு பிரிந்த உயிர்…” பெண் அதிகாரிக்கு நேர்ந்த கொடுமை… டெல்லி போலீசாரின் அதிரடி ஆக்ஷன்…!!

டெல்லியின் துவாரகா பகுதியில் வசித்து வந்த 30 வயதான நாசியா கானம் என்ற மத்திய பாதுகாப்பு அமைச்சக பெண் அதிகாரி, தனது வீட்டில் சடலமாக மீட்கப்பட்ட சம்பவம் பெரும் சோகத்தை ஏற்படுத்தியுள்ளது. கடந்த ஏப்ரல் மாதம் முகமது அசாம் அலி கான் என்பவரை மணந்த இவர், மூன்று மாத கர்ப்பிணியாக இருந்துள்ளார். சம்பவத்தன்று கணவன் – மனைவி இருவரும் மருத்துவமனைக்குச் சென்று திரும்பிய நிலையில், அவர்களுக்குள் வாக்குவாதம் ஏற்பட்டு தனித்தனி அறைகளுக்குச் சென்றுள்ளனர். அதன் பின்னரே அவர் உயிரிழந்திருப்பது முதற்கட்ட விசாரணையில் தெரியவந்துள்ளது.

இச்சம்பவம் தொடர்பாகப் போலீசார் வழக்குப் பதிவு செய்து விசாரித்து வருகின்றனர். ஆரம்பத்தில் உயிரிழந்த பெண்ணின் குடும்பத்தினர் அளித்த புகாரில் கணவர் தரப்பின் மீது எவ்வித குற்றச்சாட்டுகளையும் முன்வைக்கவில்லை. எனினும், மறுநாள் அவர்கள் அளித்த புதிய புகாரில், நாசியா கானம் தனது கணவர் மற்றும் அவரது குடும்பத்தினரால் உடல் மற்றும் மன ரீதியான துன்புறுத்தல்களுக்கு ஆளானதாகத் தெரிவித்திருந்தனர். இதன் அடிப்படையில், அவரது கணவர் மற்றும் குடும்பத்தினர் மீது தற்கொலைக்குத் தூண்டியதாகக் காவல் துறையினர் தற்போது வழக்குப்பதிவு செய்து அடுத்தகட்ட நடவடிக்கைகளை மேற்கொண்டுள்ளனர்.

குடும்பத்தினர் முன்வைத்த குற்றச்சாட்டுகளின் உண்மைத்தன்மை குறித்து காவல் துறையினர் தீவிரமாக விசாரித்து வருகின்றனர். முழுமையான விசாரணை மற்றும் ஆதாரங்களின் அடிப்படையிலேயே இறுதி முடிவு எடுக்கப்படும் என அதிகாரிகள் தெரிவித்துள்ளனர். கர்ப்ப காலத்தில் பெண்களுக்குக் குடும்பத்தின் ஆதரவும், உடல் மற்றும் மன ரீதியான அரவணைப்பும் மிகவும் அவசியம் என்பதை உணர்த்தும் வகையிலும், குடும்ப வன்முறைகளுக்கு எதிரான பாதுகாப்பான சூழலின் தேவையை வலியுறுத்தும் வகையிலும் இந்தத் துயரச் சம்பவம் அமைந்துள்ளது.