“வேலை முடிந்து தலையில் குடத்துடன் நடந்த பெண்…” சட்டென பாய்ந்த மின்னால்… அடுத்த நொடியே அரங்கேறிய சோகம்…. பதைப்பதைக்கும் வீடியோ…!!

சத்தீஸ்கர் மாநிலம் முங்கேலி மாவட்டத்தில், வயலில் வேலை செய்துவிட்டுத் திரும்பிய பெண் ஒருவர் மீது மின்னல் தாக்கி உயிரிழந்த சம்பவம் பெரும் சோகத்தை ஏற்படுத்தியுள்ளது. ஞாயிற்றுக்கிழமை மதியம், பாண்டர்பாதா பிரதான சாலை வழியாகப் பாண்டர்பாதா கிராமத்தைச் சேர்ந்த கீதா பாய் (46) என்ற பெண், தனது தலையில் குடத்தைச் சுமந்தபடி வயல்வெளியிலிருந்து வீட்டிற்குத் திரும்பிக் கொண்டிருந்தார். அப்போது எதிர்பாராதவிதமாக அவர் மீது நேரடியாக மின்னல் பாய்ந்தது.

உடனடியாகக் குடும்பத்தினர் அவரை மீட்டு மருத்துவமனைக்குக் கொண்டு சென்றபோதிலும், அவரைப் பரிசோதித்த மருத்துவர்கள் அவர் ஏற்கனவே உயிரிழந்துவிட்டதாகத் தெரிவித்தனர். இச்சம்பவத்தின் நெஞ்சைப் பதறவைக்கும் நேரலைக் காட்சிகள் சமூக வலைதளங்களில் பரவி வரும் நிலையில், மழை மற்றும் இடி மின்னல் காலங்களில் திறந்தவெளியில் நடமாடுவதைத் தவிர்க்க வேண்டும் எனப் பாதுகாப்பு விழிப்புணர்வு குரல்கள் எழுந்து வருகின்றன.