பிறந்தநாளை ஆதரவற்றோர் இல்லத்தில் கொண்டாடிய அருண் விஜய்… குழந்தைகளுடன் கேக் வெட்டி மகிழ்ந்தார்…

அருண் விஜய் தமிழ் சினிமாவில் பணியாற்றும் நடிகராவார். தமிழ் மட்டுமல்லாது தெலுங்கு ஹிந்தி கன்னட மொழி படங்களிலும் நடித்து பிரபலமானவர் அருண் விஜய். தமிழ் சினிமாவின் மூத்த நடிகர் விஜயகுமார் அவர்களின் மகன் அருண் விஜய் என்பது குறிப்பிடத்தக்கது. அதன் மூலம் அவருக்கு சினிமாவில் நடிக்கும் வாய்ப்பு கிடைத்தது.

1995 ஆம் ஆண்டு சுந்தர் சி இயக்கத்தில் முறை மாப்பிள்ளை என்ற திரைப்படத்தில் நடித்ததன் மூலம் தமிழ் சினிமாவில் நாயகனாக அறிமுகமானார் அருண் விஜய். இதற்கு பிறகு துள்ளித் திரிந்த காலம் பாண்டவர் பூமி ஆகிய வெற்றி படங்களில் நடித்திருந்தார் அரு்ண் விஜய். 2000 களின் நடுப்பகுதியில் சினிமாவில் சற்று சறுக்கல்களை சந்தித்த அருண் விஜய் 2010க்கு பிறகு ஏறுமுகத்தையே கண்டார்.

அதன்படி குற்றம் 23 செக்கச் சிவந்த வானம் மாஞ்சா வேலு யானை என்னை அறிந்தால் போன்ற நல்ல கதையம்சம் கொண்ட திரைப்படங்களில் நடித்து புகழ்பெற்றார் அருண் விஜய். தற்போது அருண் விஜய் நடிப்பில் வணங்கான் திரைப்படம் வருகிற பொங்கலுக்கு வெளியாக இருக்கிறது. இப்படத்தை பாலா இயக்கியிருக்கிறார் என்பதால் ரசிகர்கள் இடையே பெரிய எதிர்பார்ப்பு இருக்கிறது.

அருண் விஜய் இன்று தனது 47 வது பிறந்தநாளை கொண்டாடுகிறார். அதனால் தனது பிறந்த நாளை முன்னிட்டு ஆதரவற்றோர் இல்லத்துக்கு சென்ற அருண் விஜய் அங்கு இருந்த முதியோர்களுடனும் குழந்தைகளுடனும் கேக் வெட்டி கொண்டாடி அவர்களுடன் உணவருந்தி மகிழ்திருக்கிறார் அருண் விஜய். இது தற்போது இணையத்தில் வைரலாகி வருகிறது.