தமிழகத்தில் 234 தொகுதிகளுக்கான சட்டமன்றத் தேர்தல் வரும் 23-ஆம் தேதி நடைபெற உள்ள நிலையில், அரசியல் களம் தற்போதே அனல் பறக்கத் தொடங்கியுள்ளது. அதிமுக தலைமையிலான கூட்டணியில் 27 இடங்களைப் பெற்றுள்ள பாரதிய ஜனதா கட்சி, இன்னும் தனது முழுமையான வேட்பாளர் பட்டியலை வெளியிடாமல் இருப்பது தொண்டர்களிடையே பெரும் எதிர்பார்ப்பை ஏற்படுத்தியுள்ளது. குறிப்பாக, பாஜகவின் முன்னாள் மாநிலத் தலைவரும், கட்சியின் முக்கிய முகமுமான அண்ணாமலை இந்த முறை தேர்தலில் போட்டியிடப் போவதில்லை என எடுத்துள்ள முடிவு, தமிழக அரசியல் களத்தில் பெரும் விவாதப் பொருளாக மாறியுள்ளது.
ஈரோடு மாவட்டத்தின் மொடக்குறிச்சி தொகுதியில் அண்ணாமலையைப் போட்டியிடுமாறு கட்சியின் மேலிடம் தொடர்ந்து வலியுறுத்தி வந்ததாகக் கூறப்படுகிறது. இதற்காக மத்திய அமைச்சரும், தமிழக தேர்தல் பொறுப்பாளருமான பியூஷ் கோயல், அண்ணாமலையுடன் விடிய விடிய ஆலோசனையில் ஈடுபட்டதாகவும் தகவல்கள் கசிந்துள்ளன. இருப்பினும், ஒரு குறிப்பிட்ட தொகுதியில் மட்டும் கவனம் செலுத்துவதை விட, தமிழகம் முழுவதும் உள்ள 234 தொகுதிகளிலும் பாஜக மற்றும் அதன் கூட்டணி வேட்பாளர்களுக்கு ஆதரவாகத் தீவிரப் பிரசாரம் மேற்கொள்வதே கட்சியின் வெற்றிக்கு உதவும் என்பதில் அண்ணாமலை உறுதியாக இருப்பதாக அவரது ஆதரவாளர்கள் தெரிவிக்கின்றனர்.
முன்னதாக, அண்ணாமலை கோவை வடக்கு தொகுதியில் போட்டியிட விரும்புவதாகவும், அதற்கான களப்பணிகளில் அவரது ஆதரவாளர்கள் ஈடுபட்டு வந்ததாகவும் செய்திகள் வெளியாகின. ஆனால், கட்சி மேலிடத்தின் மொடக்குறிச்சி விருப்பம் மற்றும் மாநிலம் தழுவிய பிரசாரத் திட்டம் ஆகியவற்றுக்கு இடையே ஏற்பட்ட இழுபறியால், அவர் தேர்தலைத் தவிர்க்கும் முடிவை எடுத்திருக்கலாம் எனக் கருதப்படுகிறது. அண்ணாமலை போன்ற ஒரு வலுவான தலைவர் நேரடியாகக் களமிறங்காமல் இருப்பது, அவர் வெற்றி பெற்று சட்டமன்றத்திற்குள் நுழைவார் என்று எதிர்பார்த்திருந்த அடிமட்டத் தொண்டர்கள் மற்றும் இளைஞர்கள் மத்தியில் பெரும் அதிர்ச்சியை ஏற்படுத்தியுள்ளது.
வேட்புமனு தாக்கல் செய்வதற்கான கால அவகாசம் மிகக் குறைவாக உள்ள நிலையில், பாஜகவின் அதிகாரப்பூர்வ வேட்பாளர் பட்டியல் இன்னும் வெளியாகாமல் இருப்பது கட்சிக்குள் ஒருவித பதற்றத்தை உருவாக்கியுள்ளது. மாநிலத் தலைவர் நயினார் நாகேந்திரன் தலைமையில் நடைபெற்ற மையக்குழு கூட்டத்தில் இறுதி செய்யப்பட்ட பெயர்கள் டெல்லி மேலிடத்தின் ஒப்புதலுக்காகக் காத்திருக்கின்றன. இறுதியில் அண்ணாமலை தனது முடிவை மாற்றிக்கொண்டு களமிறங்குவாரா அல்லது மாநிலம் தழுவிய ‘ஸ்டார் பிரசாரகராக’ மட்டும் வலம் வருவாரா என்பது இன்னும் சில மணிநேரங்களில் வெளியாகும் வேட்பாளர் பட்டியலின் மூலம் உறுதியாகிவிடும்.
தமிழகத்தைச் சேர்ந்த தொழிலதிபர் ஆனந்த், பெங்களூரு எலகங்கா பகுதியில் தனது குடும்பத்துடன் வசித்துக்கொண்டு மக்காச்சோள இயந்திரங்கள் தயாரிக்கும் தொழில் செய்து…
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…
அமெரிக்காவில் கால்பந்து போட்டிக்கு முன்னதாக நடைபெற்ற ராணுவ வான்வழி சாகசத்தின் போது ஹெலிகாப்டர் மிக அருகில் பட்டாசுகள் வெடித்துச் சிதறிய…
மத்தியப் பிரதேசத்தில் மாசடைந்த அஜ்னார் நதியைத் தொடர்ச்சியாகச் சுத்தம் செய்து வந்த பிரபல சுற்றுச்சூழல் ஆர்வலர் பிட்டு தபாஹி, நச்சுநீரால்…