ரீல்ஸ் மோகம்…’காதல் கோட்டை’ க்ளைமேக்ஸ் ரீ-கிரியேஷன்… ஓடும் ரயிலில் இளைஞர்கள் செய்த காரியம்… வீடியோவால் எழுந்த சர்ச்சை…! கொதிக்கும் நெட்டிசன்கள்…!

ரயில் நிலையங்கள் மற்றும் ரயில்கள் ஆகியவை பொதுமக்களின் பயன்பாட்டிற்கானவை என்றாலும், அவை மிக முக்கியமான பாதுகாக்கப்பட்ட பகுதிகளாகும். எனவே, அங்கு திரைப்படப் படப்பிடிப்பு நடத்துவதோ அல்லது யூடியூப் போன்ற சமூக ஊடகங்களுக்காகக் குறும்படங்கள், ரீல்ஸ் வீடியோக்கள் எடுப்பதோ சட்டப்படி தடை செய்யப்பட்டுள்ளது. இதுபோன்ற செயல்களுக்கு ரயில்வே நிர்வாகத்திடம் முறையான அனுமதி பெற்று, அதற்கான கட்டணத்தைச் செலுத்திய பிறகே கேமராக்களைப் பயன்படுத்த வேண்டும் என்பது விதிமுறையாகும்.

ஆனால், சமீபகாலமாக சமூக ஊடகங்களில் லைக்குகளையும், பார்வைகளையும் பெறுவதற்காகப் இளைஞர்கள் பலர் ரயில் நிலையங்களிலும், ஓடும் ரயில்களிலும் ஆபத்தான முறையில் ரீல்ஸ் வீடியோக்களை எடுத்து வருகின்றனர். தற்போது சமூக வலைத்தளங்களில் பெரும் அதிர்வலையை ஏற்படுத்தி, வைரலாகி வரும் இந்த குறிப்பிட்ட ரீல்ஸ் வீடியோவிற்கும் ரயில்வே அதிகாரிகளிடம் முறையான அனுமதி பெறப்பட்டதா என்ற பலத்த சந்தேகம் எழுந்துள்ளது. விதிகளுக்குப் புறம்பாக இந்த வீடியோ எடுக்கப்பட்டிருந்தால், அது பயணிகளின் பாதுகாப்பிற்கு அச்சுறுத்தலாக அமையும் எனப் பலரும் சமூக வலைத்தளங்களில் தங்களின் கவலைகளைப் பகிர்ந்து வருகின்றனர்.

இத்தகைய பொறுப்பற்ற செயல்களால் ரயிலில் பயணம் செய்யும் மற்ற பயணிகளுக்குப் பெரும் இடையூறு ஏற்படுவதோடு, சில நேரங்களில் கடுமையான விபத்துகளும் நேரிடுகின்றன. எனவே, ரயில் நிலையங்களிலும், ரயிலின் உள்ளேயும் ஆபத்தான முறையில் ரீல்ஸ் எடுத்து வீடியோ வெளியிடும் நபர்களைக் கண்டறிந்து, அவர்களுக்கு ரயில்வே பாதுகாப்பு படையினர் கடுமையான எச்சரிக்கையையும், உரிய அறிவுரைகளையும் வழங்க வேண்டும் என்ற கோரிக்கை பொதுமக்களிடையே வலுத்து வருகிறது. மேலும், விதிமீறுபவர்கள் மீது சட்டப்படி கடுமையான நடவடிக்கை எடுப்பதன் மூலமே இதற்கு முற்றுப்புள்ளி வைக்க முடியும் என்றும் சமூக ஆர்வலர்கள் வலியுறுத்துகின்றனர்.