2010 இல் ரெடி பண்ண கதை இன்னும் என் கையில தான் இருக்கு.. சூர்யா, விஜய் யாருமே நடிக்க தயாரா இல்ல.. நடிகர் சசிகுமார் ஓபன் டாக்..!

தமிழ் சினிமா உலகில் மிகப் பிரபலமான நடிகர்களில் ஒருவர்தான் சசிகுமார். இவர் ஒரு திரைப்பட நடிகராக மட்டுமல்லாமல் இயக்குனர் மற்றும் தயாரிப்பாளர் என பன்முகம் கொண்டு திகழ்கின்றார். இவருடைய இயக்கத்தில் கலந்து 2008 ஆம் ஆண்டு வெளியான திரைப்படம் தான் சுப்பிரமணியபுரம். அந்தத் திரைப்படம் மிகப்பெரிய அளவில் மக்கள் மத்தியில் பேசப்பட்டது. முதல் படத்திலேயே இயக்குனராகவும் நடிகராகவும் நடித்திருந்தார். அதனைத் தொடர்ந்து இவ்வாறு சமுத்திரக்கனியின் நடிப்பில் வெளிவந்த ஈசன் என்ற படத்தை எடுத்தார். அதன் பிறகு இவர் நடிகராக மட்டும் தான் நடித்து வருகின்றார்.

இவருடைய நடிப்பில் வெளியான பல படங்கள் மக்கள் மத்தியில் நல்ல வரவேற்பையும் வசூலையும் பெற்றுள்ளன. இவருடைய நடிப்பில் இறுதியாக வெளியான நந்தன் திரைப்படம் ரசிகர்கள் மத்தியில் நல்ல வரவேற்பை பெற்றது. தற்போது சசிகுமார் நடிப்பில் அறிமுக நடிகர் அபிஷன் ஜீவிந்த் இயக்கத்தில் உருவாகியுள்ள திரைப்படம் தான் டூரிஸ்ட் ஃபேமிலி. இந்த திரைப்படத்தில் சசிகுமார் உடன் சிம்ரன், யோகி பாபு, மிதுன் ஜெய் சங்கர், கமலேஷ், எம் எஸ் பாஸ்கர் உள்ளிட்ட பலரும் நடித்துள்ளனர். இந்த திரைப்படம் வருகின்ற மே 1ஆம் தேதி ரிலீஸ் ஆக உள்ளது. இப்படத்தின் ப்ரோமோஷன் நிகழ்ச்சியில் பட குழுவினர் அனைவரும் ஈடுபட்டு வரும் நிலையில் சமீபத்தில் சசிகுமார் அளித்த பேட்டியில், கடந்த 2010 ஆம் ஆண்டு நான் ஒரு கதையை தயார் செய்தேன்.

அதை சூர்யா மற்றும் விஜய் இருவரிடம் சொல்லியும் அவர்கள் யாரும் அந்த படத்தில் நடிக்க தயாராக இல்லை. அந்தக் கதை இன்னும் என்கிட்ட தான் இருக்கு. அந்த கதைக்கான ஹீரோவை அந்த கதை தான் முடிவு பண்ணனும் போல இருக்கு. சரியான ஹீரோ அமைஞ்சா அந்த கதையை படமா எடுக்க நான் தயாராதான் இருக்கேன். டூரிஸ்ட் ஃபேமிலி திரைப்படத்தை தொடர்ந்து அடுத்ததாக ஒரு கிராமத்து கதை களத்தில் படமாக எடுக்க உள்ளேன். டிசம்பர் மாதம் இறுதியில் அந்தப் படத்தின் படப்பிடிப்பு தொடங்கும். இந்த படத்தில் நானும் ஒரு சிறிய கதாபாத்திரத்தில் நடிக்கிறேன் என சசிகுமார் அந்த பேட்டியில் கூறியுள்ளார்.