சிவாஜிக்கு அடுத்து விஜய் தான்…!! ஹீரோவாக மட்டுமில்லாமல் அதையும் தாண்டி… பிரபலம் பகிர்ந்த தகவல்…!!

24 ஆண்டுகளுக்குப் பிறகு, ‘பிரண்ட்ஸ்’ திரைப்படம் 4கே டிஜிட்டல் தொழில்நுட்பத்தில் நவம்பர் 21ஆம் தேதி மீண்டும் வெளியாகவுள்ள நிலையில், சென்னையில் நடந்த ஒரு விழாவில் நடிகர் ரமேஷ் கண்ணா கலந்துகொண்டு பேசினார். அப்போது, நடிகர் விஜய் குறித்த சுவாரஸ்யமான கருத்துகளைப் பகிர்ந்துகொண்டார்.

நடிகர் விஜய்க்கு இயற்கையாகவே ஒரு தனித்திறமை உள்ளது. அவர் டப்பிங் பணிக்காகச் செல்லும்போது, வசனத் தாள்களை ஒரே ஒரு முறை மட்டுமே பார்ப்பார். பார்த்த பிறகு அவர் எந்தத் தவறும் இல்லாமல், அதைச் சிங்கிள் டேக்கிலேயே பேசி முடித்துவிடுவார். நடிகர் சிவாஜி கணேசனுக்குப் பிறகு, விஜய்யால் மட்டுமே இந்தச் சாதனையைச் செய்ய முடியும் என்று ரமேஷ் கண்ணா பாராட்டினார்.

படப்பிடிப்புத் தளத்திலும் விஜய் மிகவும் அமைதியாகவும் பொறுமையாகவும் இருப்பார் என்று கூறிய ரமேஷ் கண்ணா, காட்சிக்கான நேரம் வந்தவுடன் அதையும் ஒரே டேக்கில் முடித்து விடுவார் என்றும் தெரிவித்தார். மேலும், நடிகர் விஜய் மிகவும் பணிவானவர் மற்றும் எல்லாரோடும் நட்பு பாராட்டுபவர் என்றும், எந்தச் சூழ்நிலையிலும் தன்னை ஒரு ஹீரோவாகக் காட்டிக்கொள்ளவே மாட்டார் என்றும் ரமேஷ் கண்ணா மேலும் கூறினார்.