“100 மாணவர்களுக்கு மட்டுமே அனுமதி” விதிகளை பின்பற்றாத தமிழக மருத்துவக் கல்லூரி மீது நடவடிக்கை… தேசிய மருத்துவ ஆணையம் சற்றுமுன் அதிரடி..!!!

தேசிய மருத்துவ ஆணையத்தின் விதிகளை பின்பற்றாததால் காஞ்சிபுரம் பிஎஸ்பி மருத்துவக் கல்லூரிக்கு 50 இடங்கள் குறைக்கப்பட்டுள்ளது. நாடு முழுவதும் உள்ள எம்பிபிஎஸ் இடங்களின் விவரங்களை மத்திய அரசின் மருத்துவ கலந்தாய்வு குழுவானது ஞாயிற்றுக்கிழமை அன்று வெளியிட்டது. அதில் காஞ்சிபுரம் மாவட்டம் ஓரகடத்தில் உள்ள பிஎஸ்பி மருத்துவக் கல்லூரியில் 50 எம்பிபிஎஸ் இடங்கள் குறைக்கப்பட்டு உள்ளது. கடந்த வருடம் இந்த கல்லூரியில் 150 எம்பிபிஎஸ் இடங்களுக்கு மாணவர் சேர்க்கை நடத்த அனுமதி அளிக்கப்பட்ட நிலையில் இந்த வருடம் நூறாக குறைக்கப்பட்டுள்ளது.

மேலும் விதிமுறைகளை பின்பற்றாத ஆந்திரா, சத்தீஸ்கர், டெல்லி, குஜராத், கர்நாடகா, மத்திய பிரதேசம், ராஜஸ்தான், தெலுங்கானா, உத்தர பிரதேசம் ஆகிய மாநிலங்களில் உள்ள ஒன்பது மருத்துவக் கல்லூரிகளில் எம்பிபிஎஸ் மாணவர்கள் சேர்க்கைக்கு முழுமையாக அனுமதி மறுத்துள்ளது தேசிய மருத்துவ ஆணையம்.