‘நோ நெட்வொர்க் கட், நோ டென்ஷன்!’… ரயிலில் வீடியோ மீட்டிங் அட்டெண்ட் செய்ய பெண் செய்த வேலை… வைரலாகும் வேற லெவல் ஐடியா…!!

சமீபத்தில் அருணிகா யாதவ் என்ற பெண், ரயிலில் பயணம் செய்தபடியே தனது அலுவலக வேலைகளைத் தடையின்றி செய்வதற்காகப் பயன்படுத்திய சுவாரஸ்யமான வழிமுறைகளை இணையத்தில் பகிர்ந்துள்ளார். இவர் மைசூருக்கு 6 மணி நேர ரயில் பயணம் மேற்கொண்டபோது, நகரும் ரயிலில் இணைய வசதியைத் தொடர்ந்து பெறுவது மிகப்பெரிய சவாலாக இருக்கும் என்பதால், அதற்காக ஒரு சிறப்பான திட்டத்தை முன்கூட்டியே தயார் செய்துள்ளார். தொலைதூர வேலை செய்பவர்களுக்குப் பயனுள்ளதாக இருக்கும் வகையில் அவர் வெளியிட்ட இன்ஸ்டாகிராம் பதிவு தற்போது வைரலாகி வருகிறது.

ரயிலில் சிக்னல் பிரச்சனை வராமல் இருக்க, அவர் ஏர்டெல், ஜியோ மற்றும் பிஎஸ்என்எல் என மூன்று வெவ்வேறு நெட்வொர்க்குகளின் சிம் கார்டுகளைப் பயன்படுத்தியுள்ளார். ஒரு நெட்வொர்க் வேலை செய்யவில்லை என்றாலும் மற்றொன்றை உடனே பயன்படுத்திக் கொள்ள இது உதவியுள்ளது. மேலும், தனது முக்கிய மொபைலின் பேட்டரி குறைவதைத் தவிர்ப்பதற்காக, இணைய வசதியை மட்டும் பயன்படுத்துவதற்கு என தனியாக ஒரு மொபைலை எடுத்துச் சென்றுள்ளார். அந்த மொபைலில் இருந்து கேபிள் மற்றும் விபிஎன் மூலம் தனது லேப்டாப்பிற்கு இன்டர்நெட் இணைப்பைக் கொடுத்து, எவ்வித தடையுமின்றி வீடியோ மீட்டிங்குகளில் கலந்து கொண்டு தனது வேலைகளைச் சிறப்பாக முடித்துள்ளார்.

தடையற்ற இணைய வசதியை ஏற்படுத்தியதோடு மட்டுமின்றி, ரயில் பயணிகளுக்கான மற்றொரு பயனுள்ள தகவலையும் அவர் தனது வீடியோவில் பகிர்ந்துள்ளார். ரயில் ஒரு குறிப்பிட்ட ரயில் நிலையத்தில் நிற்கும் போது, ஸ்விக்கி அல்லது சொமேட்டோ போன்ற உணவு விநியோக செயலிகள் மூலம் நேரடியாகத் தனது இருக்கைக்கே உணவை ஆர்டர் செய்து பெற்றுக்கொள்ள முடியும் என்பதையும் அவர் நிரூபித்துள்ளார். பயணத்தின் போது அலுவலக வேலைகளைச் சமாளிக்க அவர் செய்திருந்த இந்தச் சிறப்பான மற்றும் நுட்பமான திட்டமிடலை நெட்டிசன்கள் பலரும் ஆச்சரியத்துடன் பாராட்டி வருகின்றனர்.