பகீர்.! வானில் பற்றிய தீ… தரை இறங்கியபோது நேர்ந்த கோர விபத்து!” – 277 பயணிகளுடன் வந்த துர்க்கி ஏர்லைன்ஸ் விமானத்திற்கு நேர்ந்த கதி..!

நேபாளத்தின் காத்மாண்டுவில் உள்ள திரிபுவன் சர்வதேச விமான நிலையத்தில் துருக்கி ஏர்லைன்ஸ் விமானம் ஒன்று தரையிறங்கும் போது திடீரென தீ விபத்துக்குள்ளான சம்பவம் பெரும் பரபரப்பை ஏற்படுத்தியுள்ளது. இஸ்தான்புல்லில் இருந்து 277 பயணிகளுடன் வந்த அந்த விமானம், ஓடுபாதையில் தரையிறங்கிய சில நிமிடங்களில் அதன் சக்கரப் பகுதியில் தீப்பிடித்தது. இதை கவனித்த விமான நிலைய ஊழியர்கள் மற்றும் பாதுகாப்பு படையினர் உடனடியாக செயல்பட்டு தீயை அணைக்கும் பணியில் ஈடுபட்டனர்.

இந்த இக்கட்டான சூழலில் விமானத்தில் இருந்த பயணிகள் அனைவரும் அவசர கால வழி வழியாக பத்திரமாக வெளியேற்றப்பட்டனர். விமான நிலைய மீட்பு குழுவினர் துரிதமாக செயல்பட்டதால் பெரும் உயிர்ச் சேதம் தவிர்க்கப்பட்டது. இந்த விபத்தின் காரணமாக விமான நிலையத்தின் ஓடுபாதை தற்காலிகமாக மூடப்பட்டு, மற்ற விமான சேவைகள் மாற்றுப் பாதையில் திருப்பி விடப்பட்டன அல்லது தாமதப்படுத்தப்பட்டன.

தொழில்நுட்ப கோளாறு காரணமாக சக்கரம் அல்லது பிரேக் பகுதியில் ஏற்பட்ட உராய்வினால் இந்த தீ விபத்து ஏற்பட்டிருக்கலாம் என்று முதற்கட்ட விசாரணையில் தெரியவந்துள்ளது. இது குறித்து விரிவான விசாரணை நடத்த நேபாள விமான போக்குவரத்து துறை உத்தரவிட்டுள்ளது. விமானம் தரைதட்டிய போது ஏற்பட்ட புகை மற்றும் தீ தொடர்பான வீடியோக்கள் தற்போது சமூக வலைதளங்களில் வெளியாகி வைரலாகி வருகின்றன.