தந்தையே எமனாக மாறிய அவலம்!” – மகனைத் தீர்த்துக்கட்டிவிட்டு தானும் முடித்துக் கொண்ட தந்தை; ஒரு நொடி ஆத்திரத்தால் சிதைந்த குடும்பம்.!

ஹரியானா மாநிலம் ஃபரிதாபாத்தில் குடும்பத் தகராறு காரணமாக தந்தை ஒருவரே தனது 5 வயது மகனைக் கொலை செய்துவிட்டு, தானும் தற்கொலை செய்துகொண்ட நெஞ்சைப் பதறவைக்கும் சம்பவம் நிகழ்ந்துள்ளது. அந்தப் பகுதியைச் சேர்ந்த நபர் ஒருவருக்கும் அவரது மனைவிக்கும் இடையே நீண்ட நாட்களாக குடும்பப் பிரச்சினைகள் இருந்து வந்ததாகக் கூறப்படுகிறது. இந்த நிலையில், ஆத்திரமடைந்த அந்த நபர் தனது பிஞ்சு மகனை கழுத்தை நெரித்துக் கொலை செய்துள்ளார்.

குழந்தையைக் கொன்ற பிறகு, அந்த நபர் தானும் தூக்கிட்டுத் தற்கொலை செய்துகொண்டார். இச்சம்பவம் குறித்துத் தகவல் அறிந்து விரைந்து வந்த காவல்துறையினர், இருவரின் உடல்களையும் மீட்டு பிரேதப் பரிசோதனைக்காக அனுப்பி வைத்தனர். இந்தத் தற்கொலைக்கு முன்னதாக அந்த நபர் கடிதம் ஏதேனும் எழுதினாரா அல்லது வேறு ஏதேனும் காரணங்கள் உள்ளனவா என்பது குறித்துப் போலீஸார் தீவிர விசாரணை நடத்தி வருகின்றனர்.

ஒரே குடும்பத்தைச் சேர்ந்த இருவர் உயிரிழந்த இச்சம்பவம் அப்பகுதியில் பெரும் சோகத்தை ஏற்படுத்தியுள்ளது. குடும்பத் தகராறுகள் ஒரு குழந்தையின் உயிரைப் பறிக்கும் அளவிற்குச் சென்றது அதிர்ச்சியை ஏற்படுத்தியுள்ளது. இது தொடர்பாக வழக்குப் பதிவு செய்துள்ள காவல்துறையினர், உயிரிழந்தவரின் குடும்பத்தினர் மற்றும் அக்கம் பக்கத்தினரிடம் வாக்குமூலங்களைப் பெற்று வருகின்றனர்.