கூட்டுறவு வங்கியில் நகைகளை அடகு வைத்தவர்கள் கவனத்திற்கு… திருச்சியில் பதற வைத்த நள்ளிரவு சம்பவம்..!!!

திருச்சி மாவட்டம் மண்ணச்சநல்லூர் கடைவீதியில் இயங்கி வரும் தொடக்க வேளாண்மை கூட்டுறவு கடன் சங்கத்தில், சுமார் 10 கோடி ரூபாய் மதிப்பிலான தங்க நகைகளைக் கொள்ளையடிக்க மர்ம நபர்கள் நள்ளிரவில் மேற்கொண்ட முயற்சி தோல்வியில் முடிந்தது பெரும் பரபரப்பை ஏற்படுத்தியுள்ளது.

மேலும் கடந்த மார்ச் 3-ஆம் தேதி இரவு வங்கியின் பூட்டை உடைத்து உள்ளே நுழைந்த கொள்ளையர்கள், அங்கிருந்த கண்காணிப்பு கேமராக்களின் இணைப்புகளைத் துண்டித்ததுடன், நகை மற்றும் பணம் வைக்கப்பட்டிருந்த பாதுகாப்பு பெட்டகங்களை உடைக்க நீண்ட நேரம் முயற்சி செய்துள்ளனர்.

இருப்பினும், லாக்கரைத் திறக்க முடியாததால் அவர்கள் ஏமாற்றத்துடன் திரும்பியுள்ளனர். தங்களது அடையாளங்கள் மற்றும் தடயங்களை மறைப்பதற்காக கொள்ளையர்கள் வங்கி முழுவதும் மிளகாய் பொடியைத் தூவிச் சென்றதுடன், சிசிடிவி கேமராக்களின் ஹார்டு டிஸ்க்கையும் திருடிச் சென்றுள்ளனர்.

இதனால் மறுநாள் காலை வங்கி ஊழியர்கள் கதவு உடைக்கப்பட்டிருப்பதைக் கண்டு அதிர்ச்சியடைந்து காவல்துறையினருக்குத் தகவல் அளித்தனர். சம்பவ இடத்திற்கு விரைந்து வந்த திருச்சி மாவட்ட எஸ்.பி தலைமையிலான போலீசார் தீவிர விசாரணை மேற்கொண்டு வருகின்றனர்.