நம்ம ஊருல இதெல்லாம் நெனச்சா அசிங்கமா இருக்கு..  அப்படி எத சொல்றாரு ஏ ஆர் ரஹ்மான்!

இந்தி சினிமா பாடல்களைக் கேட்டுக் கொண்டிருந்த தமிழ் ரசிகர்களை தமிழ் பாடல்கள் பக்கம் திருப்பியவர் இளையராஜா என்றால், இந்தி ரசிகர்களையும் தமிழ் சினிமா பாடல்களைக் கேட்க வைத்தவர் ஏ ஆர் ரஹ்மான் என்று சொல்வார்கள்.

தான் அறிமுகமான ரோஜா திரைப்படத்தின் பாடல்கள் அனைத்தும் இந்தியா முழுவதும் ஹிட்டடித்தன. அதன் பின்னர் ரஹ்மான் மணிரத்னம் மற்றும் ஷங்கர் ஆகியோரோடு இணைந்து பணியாற்றிய படங்களின் பாடல்கள் எல்லாம் இந்தியா முழுவதும் வைரல் ஹிட்டாகின. பாடல்களுக்காகவே சில பாடல்கள் ஹிட்டாகின என்பதும் குறிப்பிடத்தக்கது.

இயக்குனர் மணிரத்னம் மற்றும் ஷங்கர் ஆகியோர்தான் அந்த காலத்தில் ரஹ்மானின் பாடல்களை மிகச்சிறப்பாகப் பயன்படுத்திக் கொண்டனர் என்றால் அது மிகையாது. அதன் பின்னர் இந்தி சினிமா, ஹாலிவுட் மற்றும் உலக சினிமா என அடுத்தடுத்து அவரின் வளர்ச்சி உயர்ந்து கொண்டே சென்றது.

இந்நிலையில் சமீபத்தில் அவர் கோபிநாத்துக்கு அளித்த ஒரு நேர்காணலில் மனம் திறந்து பல விஷயங்களைப் பற்றி பேசியுள்ளார். அதில் “வெளிநாடுகளுக்கு சென்றுவிட்டு இந்தியா வந்து பார்த்தால் வீட்டுக்கு வெளியே ஏசியை வைத்துள்ளார்கள். அதில் இருந்து ஒரு ட்யூப் தொங்குகிறது. அதில் இருந்து தண்ணீர் சொட்டுகிறது. அதைப் பார்த்தால் அசிங்கமாக உள்ளது.

நாம் நம்மிடம் இருந்த இயற்கையை எல்லாம் அழித்துவிட்டோம். இயற்கை இல்லை என்றால் எப்படி கலை வரும், ரவி வர்மா போன்றவர்கள் எல்லாம் இயற்கையைக் கொண்டுதான் ஓவியம் வரைந்தார்கள். இப்போது எங்கே இருக்கிறது இயற்கை? நாம் சமூகத்துக்கு எதாவது கொடுக்கவேண்டும்? எப்போதும் பிறர் தோண்டி வைத்த கிணற்றில் இருந்தே தண்ணீர் எடுத்துக் கொண்டு இருக்கிறோம்?” எனக் கூறியுள்ளார்.