“நைட் தூங்கவே முடியல” 7-ஆவது மாடியிலிருந்து குதித்து தற்கொலை செய்துகொண்ட அரசு ஊழியர்… சிக்கிய பரபரப்பு தற்கொலை கடிதம்..!!

டெல்லியின் சாகேத் நீதிமன்றத்தில் (Saket Court) பணிபுரிந்து வந்த ஹரிஷ் சிங் மஹர் என்ற ஊழியரின் தற்கொலைச் சம்பவம் பெரும் சோகத்தை ஏற்படுத்தியுள்ளது. மாற்றுத்திறனாளியான ஹரிஷ் சிங், நீதிமன்ற வளாகத்தின் 7-வது மாடியில் இருந்து குதித்து தனது உயிரை மாய்த்துக் கொண்டார் . போலீசார் மீட்ட தற்கொலைக் குறிப்பில், தனது உடல்நிலை குறைபாடு (Disability) காரணமாகப் பணிகளை மேற்கொள்வதில் இருந்த சிரமங்கள் மற்றும் அதனால் ஏற்பட்ட தீவிர மன அழுத்தம் குறித்து அவர் உருக்கமாக எழுதியுள்ளார்.

நீண்ட நாட்களாகத் தற்கொலை எண்ணங்களுடன் போராடி வந்ததாகவும், தூக்கமின்மை மற்றும் அளவுக்கு அதிகமான சிந்தனைகளால் (Overthinking) தான் மிகவும் பாதிக்கப்பட்டதாகவும் அவர் குறிப்பிட்டுள்ளார்.