தமிழக வெற்றி கழகத்தின் இரண்டாவது மாநில மாநாடு நேற்று மதுரையில் நடைபெற்றது. மாநாட்டில் பேசிய விஜய் தேமுதிக தலைவர் விஜயகாந்தை அண்ணன் என குறிப்பிட்டு பேசினார். விஜயகாந்த் நடித்த கேப்டன் பிரபாகரன் திரைப்படம் சுமார் 33 ஆண்டுகளுக்கு பிறகு இன்று தியேட்டர்களில் ரீ ரிலீஸ் ஆனது.
இதனை பார்ப்பதற்காக சண்முக பாண்டியன் தியேட்டருக்கு வந்தார். அதன் பிறகு செய்தியாளர்களை சந்தித்த சண்முக பாண்டியனிடம் தமிழக வெற்றிக் கழக தலைவர் விஜய் விஜயகாந்த்தை அண்ணன் என குறிப்பிட்டு பேசியது குறித்து கேள்வி எழுப்பப்பட்டது. அதற்கு பதில் அளித்த சண்முக பாண்டியன் விஜய்க்கு எனது அப்பா அண்ணன்.
அதனால் அண்ணன் என்று சொன்னார். அவ்வளவுதான். இதில் பெரிதாக பார்க்க எதுவும் கிடையாது. அப்பா விஜயை சின்ன வயதில் இருந்து பார்த்திருக்கிறார். விஜய் அப்பாவை அண்ணன் என்று கூப்பிட்டு பழகிவிட்டார். அதனால் தான் அப்படி அழைக்கிறார். அப்பா எப்போதும் மக்கள் சொத்து தான் என சண்முக பாண்டியன் கூறியுள்ளார்.