அடச்சீ… நீயெல்லாம் ஒரு மனுஷியா… பெற்ற மகளையே பலிகொடுத்த தாய்… கள்ளக்காதலுக்கு இடையூறாக இருந்த… 6 வயது சிறுமி கொடூர கொலை… மத்தியப் பிரதேசத்தில் பரபரப்பு…!

மத்தியப் பிரதேச மாநிலம் பிந்த் மாவட்டத்தில், தனது கள்ளக்காதலுக்காக பெற்ற மகளையே தாய் படுகொலை செய்த கொடூர சம்பவம் பெரும் அதிர்ச்சியை ஏற்படுத்தியுள்ளது. ஜோதி என்ற பெண், தனது கணவனின் நண்பருடன் சட்டவிரோத உறவில் இருந்துவந்துள்ளார். இந்நிலையில், தனது 6 வயது சிறுமியையும் அழைத்துக் கொண்டு கணவரைப் பிரிந்து காதலனுடன் வாழச் சென்றுள்ளார்.

அங்கே தங்கியிருந்த சிறுமி, தனது தாத்தா-பாட்டி வீட்டுக்குச் செல்ல வேண்டும் என்று தொடர்ந்து அடம்பிடித்துள்ளார். இதனால் அச்சமடைந்த ஜோதி, சிறுமி தாத்தா வீட்டிற்குச் சென்றால் தங்கள் கள்ளத்தொடர்பு குறித்து வெளி உலகிற்கு உண்மையைக் கூறி விடுவாள் என்று பயந்துள்ளார். இதையடுத்து, காதலனுடன் இணைந்து அந்த பிஞ்சு என்றும் பாராமல் மகளைக் கொடூரமாகக் கொலை செய்ய சதித்திட்டம் தீட்டியுள்ளார்.

திட்டமிட்டபடி, ஜோதியும் அவரது காதலனும் சேர்ந்து சிறுமியின் கழுத்தை நெரித்துக் கொலை செய்துள்ளனர். பின்னர், கொலையை மறைப்பதற்காகச் சிறுமியின் உடலை அருகில் இருந்த ஒரு கிணற்றில் வீசி எறிந்துள்ளனர். தகவலறிந்து வந்த காவல்துறையினர் உடலைக் கைப்பற்றி பிரேதப் பரிசோதனைக்கு அனுப்பி வைத்ததுடன், ஜோதி மற்றும் அவரது காதலனைக் கைது செய்து வழக்குப்பதிவு செய்து விசாரணை நடத்தி வருகின்றனர்.