அந்த மாதிரி வீடுகள் தான் டார்கெட்…! 3 ஆண் நண்பர்களுடன் சேர்ந்து இளம்பெண் செய்த காரியம்…. சிக்கியது எப்படி…? போலீஸ் அதிரடி…!!

பெங்களூரு தொட்டபெல்லாப்பூர் போலீஸ் சரகதிற்கு உட்பட்ட தண்டவாளத்திற்கு அருகே உள்ள இரண்டு வீடுகளில் மர்ம.நபர்கள் நகை மற்றும் பணத்தை கொள்ளையடித்து சென்றனர். இதுகுறித்து வழக்கு பதிவு செய்த போலீசார் சௌபாக்கியா, அவரது நண்பர் புருஷோத்மன், தர்ஷன், சந்துரு ஆகிய நான்கு பேரை கைது செய்து விசாரணை நடத்தியதில் அதிர்ச்சி தகவல் தெரியவந்தது. இவர்கள் திருடுவதற்காக ரயிலில் பயணம் செய்கின்றனர்.

ரயில் நிலையத்தில் இறங்கியதும் செல்போன்களை சுவிட்ச் ஆப் செய்து விட்டு தண்டவாளத்திலேயே நடந்து சென்று ஒரு இடத்தில் செருப்புகளை கழற்றி விடுவார்கள். பின்னர் ஆள் நடமாட்டம் இல்லாத வீடுகளுக்குள் புகுந்து நகை மற்றும் பணத்தை திருடி சென்றது தெரியவந்தது. தர்ஷன் உள்ளிட்ட மூன்று பேரும் போலீஸிடம் சிக்கினால் சௌபாக்கியா திருடிய நகைகளை விற்று மூன்று பேரையும் ஜாமீனில் எடுத்து வந்துள்ளார். தற்போது நான்கு பேரையும் போலீசார் நீதிமன்றத்தில் ஆஜர்படுத்தி சிறையில் அடைத்தனர்.